Qazaqstandaǵy sottalǵandarǵa arnap bıznes-járdemshi ázirlendi - QR Bas prokýratýrasy

ASTANA. QazAqparat - QR Bas prokýratýrasy men PRI (Halyqaralyq túrme júıesi) uıymy Qazaqstandaǵy sottalǵandarǵa arnap "Sottalǵandarǵa arnalǵan 100 is" atty bıznes-járdemshi ázirledi. Bul týraly búgin ótip jatqan "Túzeý mekemelerindegi jumyspen qamtý" atty ekinshi forýmda QR Bas prokýrorynyń orynbasary Jaqyp Asanov aıtty.

«Biz PRI-men birlesip oqýǵa jeńil ári túsinikti tilmen "Sottalǵandarǵa arnalǵan 100 is" atty bıznes-járdemshi ázirledik. Ár iske 2-3 bet arnalǵan. Onda bıznesti qalaı bastap, qalaı júrgizý kerektigi, túrme jaǵdaıynda qandaı ispen aınplysýǵa bolatyna jan-jaqty túsindiriledi», - dedi ol.

J. Asanovtyń aıtýynsha, QR Bas prokýratýrasy sondaı-aq, jyl saıyn sottalǵandardyń arasynda "Eń úzdik bıznes-joba" konkýrsyn ótkizýdi usynady.