Qazaqstandaǵy Senat saılaýy halyqaralyq standarttarǵa saı ótti - Túrki keńesi
«Mıssııamyz saılaý protsesi barysynda Astana men Kókshetaý qalalaryndaǵy daýys berý protsedýrasyna belsendi baıqaý júrgizgen bolatyn. Daýys berý protsedýrasy Qazaqstan zańnamasyna jáne halyqaralyq standarttarǵa saı ótkizildi. Ýchaskelerde halyqaralyq baıqaýshylardyń baqylaý júrgizýine barlyq jaǵdaı jasaldy», - dedi búgin QR Ortalyq saılaý komıssııasynda ótken brıfıngte atalǵan mıssııanyń jetekshisi Ramıl Gasanov.
Sonymen qatar ol daýys berý uıymdastyrylǵan túrde ótkizilgendigin basa aıtty.
«Bizdiń delegatsııa saılaý komıssııalarynyń jumysyna zańsyz aralasýdyń birde bir deregin baıqaǵan joq. Táýelsiz daýys berý quqyǵyna qatysty aıtarym, biz bolǵan eki qalada da saılaýshylardyń jumysyna kedergi bolmaǵandyǵyn nyq senimmen aıta alamyn. Daýystardy sanaý sharasy da Qazaqstannyń zańnamasynda bekitilgen erejege sáıkes júrgizildi», - dedi ol.