Qazaqstandaǵy saılaýǵa daıyndyq sharalarynda esh kemshilik joq - TMD baıqaýshylar mıssııasy

ASTANA. QazAqparat - TMD baıqaýshylar mıssııasy atynan qatysyp otyrǵan reseılik parlamenttiń Fedaratsııa keńesiniń múshesi Igor Zýga Qazaqstandaǵy kezekten tys prezıdent saılaýyna daıyndyq joǵary deńgeıde ekenin atap ótti.

«Qazaqstandaǵy bolǵan ýaqytymda saılaýǵa daıyndyq boıynsha eshqandaı kemshilik baıqamadym. Barlyǵy naqty ýaqytymen uıymdastyrylǵan túrde atqaryldy. Osy oraıda uıymdastyrýshylyq deńgeı óte joǵary dep aıta alamyn»,-dedi ol tilshilerge bergen suhbatynda.

Onyń sózine qaraǵanda, TMD baıqaýshylary mıssııasy óziniń jumysyn tańǵy 5:30-da bastaıdy. Atap aıtqanda, olar Astanadaǵy birqatar saılaý ýchaskelerin aralap shyǵatyn bolady. Igor Zýga baıqaýshylar ýchaskelerdi óz erkimen tańdaǵanyn jáne olarǵa eshkim de shekteý qoımaǵanyn atap ótti. «Qazaqstandaǵy saılaý - ol nómir birinshi jańalyq. Meniń oıymsha, saılaýda daýys berý belsendiligi joǵary bolmaq»,-dedi ol.