Qazaqstandaǵy polıgondardyń 21 paıyzy ǵana ekologııalyq talaptarǵa saı keledi
«Ekologııa, geologııa jáne tabıǵı resýrstar mınıstrliginiń málimeti boıynsha, Qazaqstanda 3005 polıgon bar, onyń 635-i nemese 21%-y ekologııalyq jáne sanıtarlyq normalarǵa sáıkes keledi. Turmystyq qatty qaldyqtardyń túzilýiniń jyldyq kólemi 5-6 mln tonnany quraıdy. Búgingi tańda qatty turmystyq qaldyqtardy jınaý jáne shyǵarý tek qalalar men jekelegen oblys ortalyqtarynda ǵana uıymdastyrylǵan. Bul rette «Qazaqstan Ǵarysh Sapary» ulttyq kompanııasy jyl saıyn ǵaryshtyq monıtorıng arqyly zańsyz polıgondardy anyqtap, tıisti sharalar qabyldaý úshin jergilikti atqarýshy organdarǵa beredi», - dedi Berik Asylov depýtattyq saýalǵa bergen jaýabynda.
Bas prokýratýranyń málimetinshe, anyqtalǵan polıgondar týraly aqparat salalyq geoservıske júktelgen. Aldaǵy ýaqytta qorshaǵan ortany qorǵaý departamentteriniń qyzmetkerleri osy júıe jáne WasteView jáne WasteEdit mobıldi qosymshalary arqyly kóshpeli is-saparlar júrgizip, rastaý sýretteri arqyly polıgondardy joıý týraly aqparatty engizedi.
«2021 jyly 7,3 myńǵa jýyq qaldyqtardy zańsyz ornalastyrý oryndary anyqtaldy, olardyń 6,7 myńy nemese 91%-y joıyldy. Ekologııalyq kodekstiń 365-babyna sáıkes kommýnaldyq qaldyqtardy basqarý salasyndaǵy memlekettik saıasatty iske asyrý jergilikti ókildi jáne atqarýshy organdardyń, sondaı-aq qorshaǵan ortany qorǵaý salasyndaǵy ýákiletti organnyń quzyretine kiredi», - dep tolyqtyrdy Bas prokýror.