Qazaqstandaǵy munaı óńdeý zaýyttary nege uzaq jańǵyrtyldy
«Biz munaı óńdeý zaýyttaryn jańǵyrtýdy nege uzaq júrgizilip jatyrmyz? Jańǵyrtý eki kezeńnen turady -bastapqy jáne negizgi kezeń. Bastapqy kezeńde tehnıkalyq negizdeme, jobalyq-smetalyq qujattama jasalady, qarjylyq jobalarǵa sharttar bekitiledi, merdigerler anyqtalady», - dedi «QazMunaıGaz» UK AQ-nyń munaıdy tasymaldaý, qaıta óńdeý jáne marketıng jónindegi vıtse-prezıdenti mindetin atqarýshy Danııar Tıesov Astanada OKQ-da ótken baspasóz máslıhatynda.
Tıesovtyń aıtýynsha, dál osy bastapqy kezeń uzaqqa sozylǵan.
«Qurylys merzimderi boıynsha, barlyq kezeńder men qural-jabdyqtardy jetkizý ýaqytyn (keı jabdyqtardy ázirleýge 22 aı jumsalady) eseptegende bul aqylǵa qonymdy jaıt. Bastapqy kezeń shamamen 5 jylǵa sozyldy. ıAǵnı, tikeleı qurylysqa kirisý úshin 5 jyl boıy qaǵaz jumystarymen aınalystyq», - dedi Tıesov.
«Shymkent jáne Pavlodar zaýyttaryna keler bolsaq, ekinshi kezeń esh kedergisiz júrgizilip keledi. Búginde Pavlodar zaýytynyń jańǵyrtý jumystaryn aıaqtadyq jáne Shymkent MÓZ jańǵyrtýdy kelesi jyly aıaqtaımyz», - dep óz sózin tolyqtyrdy ol.
Atyraý MÓZ boıynsha, Tıesov katalıtıkalyq krekıngtiń negizgi qondyrǵysyn iske qosý men jóndeý jumystary júrip jatqanyn aıtty.
«Bul qondyrǵy dızeldi otyn óndirisin arttyrýǵa baǵyttalǵan. Shamamen jeltoqsan aıynyń ortasynda iske qosylady dep otyrmyz, sáıkesinshe osydan keıin qalǵan tehnologııalyq qondyrǵylardyń barlyǵy iske qosylady. Atyraý MÓZ jańǵyrtý aıasynda jalpy sany 12 jańa tehnologııalyq qondyrǵy men jalpy zaýyttyq sharýashylyqtyń 56 nysany beriledi», - dedi Tıesov.