Qazaqstandaǵy MÓZ-der úsh jylda bir jóndeletin bolady

ASTANA. QazAqparat - Aldaǵy ýaqytta otandyq munaı óńdeý zaýyttary úsh jylda bir ret qana jóndeletin bolady. Bul týraly Parlament  Májilisinde «QazMunaıGaz» UK» AQ-nyń Transformatsııalaý jónindegi aǵa vıtse-prezıdenti Gleb Lıýksembýrg málim etti, dep habarlaıdy QazAqparat.

«Munaı óńdeý zaýyttary salasynda úsh jyldyq jóndeý aralyq kezeńge kóshý eskerilip otyr. Kóptegen batystyq, reseılik kompanııalar osyndaı tártipke kóshti. Bul óz kezeginde bizdiń zaýyttardyń jylyna bir ret kúrdeli jóndeýge toqtamaıtyndyǵyn bildiredi. ıAǵnı, osyndaı sharalardy tek úsh jylda bir ret júzege asyrady»,-dep toqtaldy G. Lıýksembýrg «Samuryq-Qazyna» AQ-da memlekettik resýrstardy qoldanýdyń tıimdiligi týraly» atty «dóńgelek ústelde».

Onyń sózine qaraǵanda, atalǵan tártip arqyly munaı ónimderin shyǵarýda zaýyttyń 30-40 kúndik ónimdiligin joǵaltpaýǵa múmkindik beredi.

Munymen qosa, Lıýksembýrg aldaǵy ýaqytta bes jylda bir ret jasalatyn kúrdeli jóndeýge de kóshý múmkindigi bolatyndyǵyn sóz etti.