Qazaqstandaǵy metallýrgııa salasynyń damý bolashaǵy talqylandy

ASTANA. Jeltoqsannyń 3-i. QazAqparat. QR Premer - Mınıstri Kárim Másimovtiń «ArcelorMittal» kompanııasy Dırektorlar keńesininiń prezıdenti Lakshmı Mıttalmen bolǵan kezdesýinde Qazaqstandaǵy metallýrgııa salasynyń  damý bolashaǵy talqylandy,

 dep habarlaıdy Úkimettiń baspasóz qyzmeti.

L.Mıttal kompanııa Qazaqstandaǵy buryn bastalǵan nemese iske asyrý josparlanǵan, alaıda daǵdarys kezeńinde iske asyrylýy ýaqytsha toqtatylǵan ınvestıtsııalyq jobalardy aıaqtaýǵa nıetti ekenin aıtty.

Ol «qazir jaǵdaı qalypqa kele bastaǵanyn jáne Qazaqstandaǵy kompanııa kásiporyndarynyń jumysy qalypqa túse bastaǵanyn» atap ótti.

«Qazaqstan daǵdarysty eńserýde tabysqa qol jetkizdi, JІÓ kórsetkishteri ósýde, jumyssyzdyq deńgeıi azaıyp jatyr, el jetkilikti qorǵa ıe -  munyń barlyǵy - qýanyshty jaǵdaı. Men Qazaqstan bul daǵdarystan áldeqaıda qýatty bolyp shyǵady dep sanaımyn», - dedi L.Mıttal.