Qazaqstandaǵy metall qory 300 jylǵa jetedi - Indýstrııa jáne jańa tehnologııalar mınıstrligi
11:58, 12 Maýsym 2013
ASTANA. 12 maýsym. QazAqparat - Qazaqstannyń metall qory 300 jylǵa jetedi.
Bul týraly búgin Astanadaǵy Táýelsizdik saraıynda ashylǵan VI Halyqaralyq taý-ken metallýrgııa kongresi barysynda QR Premer-Mınıstriniń orynbasary - Indýstrııa jáne jańa tehnologııalar mınıstri Áset Isekeshev málim etti.
Mınıstr atap kórsetkendeı, búginde Qazaqstannyń metallýrgııa salasynda 20-ǵa jýyq iri joba bar. Aldaǵy ýaqytta ondaı óndiristerdiń sany artatyn bolady. «Bul sala áli uzaq ýaqyt boıy otandyq ekonomıkanyń negizi bolyp qala bermek. Sebebi bizde temir shıkizatynyń qory shamamen 300 jylǵa jetedi. Demek, bul sala el ekonomıkasyna áli de qyrýar paıda ákeledi», - dep atap kórsetti Á.Isekeshev.