Qazaqstandaǵy Qytaı elshiligi Dımashty qurmet gramotasymen marapattady
Ánshiniń Instagram paraqshasynda jarııalanǵan fotosýrette Qytaı Halyq Respýblıkasynyń Qazaqstan Respýblıkasyndaǵy Tótenshe jáne Ókiletti Elshisi Chjan Hanxýeıdiń Dımashqa qurmet gramotasyn tabystaý sáti beınelengen.
Eske sala ketsek, Dımash Qudaıbergen fanattarynyń qurmetine bıylǵy týǵan kúnin Qytaı astanasynda atap ótedi. 24 mamyr kúni Beıjiń qalasynda «Tosyn syıǵa toly týǵan kún keshi» taqyrybyndaǵy kezdesý ótedi. Bul kezdesýde ánshi jańa týyndylaryn oryndap, Qytaıda alǵan áserlerimen, oılarymen bólisedi.
Qytaıdaǵy «Dımashtyń ápkeleri»（@迪玛希姐姐站_DimashSister）atty fanattar toby Andromeda galaktıkasyndaǵy juldyzdardyń birine Dımashtyń atyn berdi . Olar Amerıkanyń Name A Star Live jobasy arqyly Andromedadaǵy bir juldyzdy satyp alyp, Dımash Qudaıbergenniń atymen juldyzdar kartasyna engizgen. Sondaı-aq, bul juldyzdyń ataýyn Space Service INC (SSI) tizimine engizgen. Bul tizim SSI-diń ǵaryshtaǵy muraǵatynda máńgi saqtalady.