Qazaqstandaǵy kezekten tys prezıdent saılaýy der kezindegi durys qadam - ózbek sarapshysy

TAShKENT. QazAqparat - Qazaqstannyń abyroı-bedeli joǵary, osynyń ózi memlekettiń budan keıin de ekonomıkalyq jaǵynan damyp, áleýmettik turaqtylyqty saqtaýyna úmit artýǵa múmkindik beredi. Bul týraly «QazAqparat» HAA-nyń menshikti tilshisine ÓR ǴA Tarıh ınstıtýtynyń «Jańa jáne eń jańa tarıh» bóliminiń meńgerýshisi Ravshan Nazarov aıtyp berdi.

«Naýryz aıynda kóp jylǵy lıder, myzǵymas saıası bedel ıesi Nursultan Nazarbaevtyń QR Prezıdenti laýazymynan ketýi álemde, ásirese, Qazaqstannyń jaqyn kórshileriniń arasynda qyzý talqyǵa tústi. Qasym-Jomart Toqaevtyń «Biz Elbasymyzdyń arqasynda táýelsiz, qýatty memleket qurdyq. Qazaqstan halyqaralyq júıede ózine laıyqty ornyn aldy. Bizdi yqpaldy jáne beldi memleket retinde búkil álem moıyndaıdy» degen sózimen kelisemin», - deıdi sarapshy.

Onyń aıtýynsha, Memleket basshysy Qasym-Jomart Toqaevtyń úndeýindegi Qazaqstan Respýblıkasynda kezekten tys saılaý ótkizý týraly qabyldanǵan sheshimniń durys ekendigi týraly sózderge mán bergen jón.

«Men Qazaqstannyń burynnan kele jatqan, elińizdiń ishki jáne syrtqy saıasatyn úzbeı baqylap otyratyn dosy retinde Qazaqstan halqy durys tańdaý jasaıdy dep senemin», - dedi ol.

Avtory: Mıras Qýandyqov