Qazaqstandaǵy keıbir mektepterge akademııalyq erkindik berilýi múmkin

ASTANA. QazAqparat – Oqý-aǵartý mınıstrligi pılottyq rejımde Ulttyq bilim akademııasynyń mindetti qoldaýyna jatatyn qajetti resýrstary men áleýeti bar mektepterge akademııalyq erkindik berýge múmkindik beretin buıryq jobasyn ázirledi. Bul týraly Oqý-aǵartý mınıstri Ashat Aımaǵambetov jelidegi paraqshasynda jazdy.

Akademııalyq erkindik mektepterge ne úshin qajet?

Oqý josparynyń varıatıvti komponenti oqýshylardyń qajettilikteri men erekshelikterine qaraı ulǵaıady. ıAǵnı mektepterde oqýshylardyń bilim qajettilikteri men múmkindikterin eskere otyryp, mazmunyn anyqtaı alady. Olar úlgilik oqý josparyn qatań ustanbaıdy, biraq memlekettik jalpyǵa mindetti bilim berý standarttarynda kórsetilgen oqý nátıjelerine qol jetkizý talap etiledi. MJMBS (1) qundylyqtardy, mysaly, azamattyq, eńbeksúıgishtik, syılastyq, bilimge umtylý jáne t.b. (2) synı jáne kreatıvti oılaý retinde quzyrettilikterdi, sondaı-aq (3) pánder men bilim deńgeıleri boıynsha oqytý nátıjelerin kórsetedi.
Qazirgi tańda Memleket basshysynyń qoldaýymen elimizde jekemenshik mektepter ashylyp, jańa jobalar engizilip jatyr.
Sonymen qatar mindet oqýshy oryndaryn qurý jáne mehanıkalyq qamtý ǵana emes. Ol sapaly bilim berý baǵdarlamasy bar úzdik jáne ártúrli mektepterdiń jetkilikti sanyn ashýda.
Búgingi tańda Qazaqstanda 500-den astam jekemenshik mektep bar, olar MJMBS jáne úlgilik oqý baǵdarlamalaryn engizýge mindetti. Osyndaı qatań retteýge baılanysty olar ózderiniń ınnovatsııalyq mazmunyn qosymsha sabaqtar arqyly qamtýǵa májbúr. Bul balaǵa túsetin júktemeni arttyrady.

«Avtonomııany keńeıtý pılottyq mektepterge Ulttyq bilim akademııasynyń qoldaýymen, biraq MJMBS kórsetilgen parametrler men talaptar sheńberinde jańa ınnovatsııalyq oqý baǵdarlamalaryn engizýge múmkindik beredi. Qazir mundaı múmkindik tek halyqaralyq mártebege ıe mektepterde ǵana bar, sol sebepti biz bul tizimdi resýrstary men qajetti áleýeti bar pılottyq mektepter arqyly keńeıtkimiz keledi. Baǵdarlamalar sebepsiz paıda bolmaıtyny túsinikti. Bilim berý baǵdarlamalaryn praktıkaǵa engizý tetigi, atap aıtqanda, Ulttyq bilim akademııasynyń aprobatsııa, engizý, iske asyrý monıtorıngi protsesterin ǵylymı-ádistemelik jáne ádisnamalyq qoldaý oılastyrylǵan. Mundaı ádis-tásil bizge bilim berý mazmunynyń kóptegen túrine kóshýge múmkindik beredi. Ártúrlilik tek oqytýdaǵy ınnovatsııalyq tásilderdi yntalandyrý, úzdik tájirıbeler men baǵdarlamalardy tabý úshin qajet. Osyǵan baılanysty bilim salasyn damytyp, ınnovatsııalar engizýge qatysqysy keletinderge «qosh keldińizder» degim keledi», - dep jazdy mınıstr.