Qazaqstandaǵy qaýipsiz qoǵamdastyqtarǵa arnalǵan forým ótýde

NUR-SULTAN. QazAqparat – Elordada «Qazaqstandaǵy qaýipsiz qoǵamdastyqtar» taqyrybynda forým bastaldy. Sharany Qazaqstan Respýblıkasy Іshki ister mınıstrligi men Eýropadaǵy qaýipsizdik jáne yntymaqtastyq uıymy birlesip uıymdastyrýda, dep habarlaıdy QazAqparat.

Atalǵan forým Qazaqstandaǵy polıtsııa reformasyn qoldaý jónindegi EQYU /Eýropadaǵy qaýipsizdik jáne yntymaqtastyq uıymy/ jobasynyń bir bóligi bolyp tabylady. Basty taqyryby- elimizde servıstik polıtsııa qurýdyń erekshelikteri jáne Qazaqstanda ornyqty jáne qaýipsiz qoǵamdastyqtar qurý úshin memlekettik organdardyń, bıznes-qoǵamdastyq pen azamattardyń kúsh-jigerin biriktirý. Forým jumysyn Іshki ister mınıstri, polıtsııa genera-leıtenanty Erlan Zamanbekuly Turǵymbaev ashyp, qatysýshylarǵa quttyqtaý sózin joldady. Jıynda sondaı-aq, Eýropadaǵy qaýipsizdik jáne yntymaqtastyq uıymynyń ókilderi, qazaqstandyq ishki ister salasynyń ókilderi baıandama jasap, servıstik polıtsııa reformasynyń qyr-syryna toqtaldy. Túrli usynystar men saraptamalyq oılar aıtyldy. Al, Maqan Esbolatov atyndaǵy Akademııanyń bastyǵy, polıtsııa polkovnıgi Aıdar Mutálikuly Saıtbekov «Qazirgi tańdaǵy polıtsııanyń servıstik modeline kóshýdegi ózektilik» taqyrybynda baıandama jasady. Baıandamada «Álemdik tájirıbede servıstik polıtsııany qurýdaǵy negizgi maqsat – ol aldyn-ala qylmysty eskertý jáne zertteý, qoǵamdyq tártipti baqylaý, sondaı-aq qylmysty ashýdan buryn onyń aldyn alý, azamattardyń polıtsııaǵa aıtqan ótinishteri boıynsha olarǵa kómek kórsetý, qylmysty quryqtaýdan buryn, onyń aldyn alý mańyzdy» deı kele menedjment kadrlaryn daıarlaýdyń sheteldik onyń ishinde

Ulybrıtanııa, Reseı Federatsııasy syndy memleketterdiń tájirıbesin zerdelep, ІІM Almaty Akademııasynda 2021 jyldyń 29-naýryzynan bastap, ІІO nyń basshy quramdaryn daıarlaýǵa arnalǵan №1 fakýltet negizinde joǵary shendi basshy quram men №2 orta basshy quramdy oqytatyn 3-aı merzimge arnalǵan kúndizgi oqý nysanymen basqarý kadrlaryn daıarlaýdaǵy basym baǵyttardyń biri – qoǵammen jumys isteý tásilderin úıretýge basym baǵytta kóńil bólingenin jáne bul jumystardyń aldaǵy ýaqytta da jalǵasa beretinin aıtty. Halyqaralyq deńgeıde ótip jatqan forým «Servıstik polıtsııa modeli» tujyrymdamasynyń basty ıdeıasy negizinde – qoǵammen ashyq seriktestik qatynastardy qurý, adamdardyń qajettilik qundylyqtaryna nazar aýdarý sekildi máselelerge de nazar aýdardy.

Forým jumysy áli jalǵasýda. Ol aıaqtalǵan soń tıisti qarar qabyldanady dep kútilýde.

avtory: Asyljan Muhtar