Qazaqstandaǵy Izraıl Elshiligi jumysyn qaıta bastady
«Qurmetti dostar, bizdiń Elshilik, sonymen qatar búkil álemdegi ózge de ızraıldik mıssııalar jumystaryn shtattyq rejimde qaıta bastaıdy. Izraıl Syrtqy ister mınıstrligi men Qarjy mınıstrligi qyzmetkerleri arasyndaǵy kelissózder jalǵasatyn bolady», - delingen Qazaqstandaǵy Izraıl Elshiliginiń Facebook-tegi paraqshasynda jarııalanǵan aqparatta.
Buǵan deıin Izraıl shet elderdegi dıplomatııalyq mıssııalaryn jaýyp jatqanyn habarlaǵan edik.
«Qarjy mınıstrligi Bas dırektory bekitken jáne 2019 jyldyń 21 shildesinde qol qoıǵan kelisimderdi buzý týraly sheshimine jáne ondaǵan jyldar boıy kúshine enip kele jatqan hattamany ózgertetin shet elderdiń ókilderine birjaqty protsedýralardy engizýge baılanysty Syrtqy ister mınıstrligi shet elderdegi barlyq dıplomatııalyq ókildikterdi jabýǵa májbúr. Konsýldyq qyzmetter kórsetilmeıdi. Budan bólek, mekemege kirýge eshkimniń quqyǵy joq», - dedi Izraıl SІM.