Qazaqstandaǵy ınflıatsııa 16,8%-ǵa deıin baıaýlady – Ulttyq bank
«Qazaqstandaǵy ınflıatsııa aqpan aıynda jyldyq mánniń sharyqtaý shegine jetkennen keıin sáýir aıynda 16,8%-ǵa deıin baıaýlady. Bul Ulttyq Banktiń boljamdaryna sáıkes keledi. Oǵan azyq-túlik baǵasy kóptep úles qosyp, jyldyq mánde 17,9%-ǵa deıin baıaýlady. Aqyly qyzmetterdiń ınflıatsııasy da 13,7%-ǵa deıin baıaýlady. Azyq-túlikke jatpaıtyn taýarlardyń jyldyq baǵa ındeksi 18,2%-ǵa ósti», - dedi Vıtalıı Týtýshkın.
Jyldyq ınflıatsııanyń baıaýlaýyna qaramastan, ınflıatsııanyń aılyq kórsetkishteri qubylmaly. Atap aıtqanda sáýir aıyndaǵy mólsher áli de 2017-2021 jyldar aralyǵyndaǵy ortasha mánnen artyq bolyp otyr.
«Turaqsyz ınflıatsııalyq kútýler, memlekettik shyǵystardyń úzdiksiz ulǵaıýy, sonymen birge, janar-jaǵarmaı naryǵy men turǵyn-úı kommýnaldyq sharýashylyq qyzmetterinde ýaqyty kelgen reformalardy iske asyra bastaý túrindegi ishki proınflıatsııalyq faktorlar saqtalyp, júzege asa bastady. Faktorlardyń jıyntyq balansy orta merzimdi perspektıvada ınflıatsııany tómendetý úshin 2023 jyldyń birinshi jartysynda Ulttyq Banktiń bazalyq mólsherlemeni 16,75% deńgeıinde saqtaýdy aıqyndaıdy. Bazalyq mólsherleme boıynsha budan keıingi is-áreketter mamyr aıyndaǵy jańa derekterdi eskere otyryp jańartylǵan boljamǵa baılanysty bolady», - dep toqtaldy Vıtalıı Týtýshkın.