Qazaqstandaǵy ındýstrıaldyq aımaqtardy «Bolashaqtyń» túlekteri basqarady

ASTANA. 16 shilde. QazAqparat - Indýstrıaldyq aımaqtardy basqarý jumysyna «Bolashaq» baǵdarlamasynyń túlekteri tartylady. Bul týraly Úkimettiń búgingi otyrysynda QR Óńirlik damý vıtse-mınıstri Serik Jumanǵarın málim etti.

Onyń aıtýynsha, Qazaqstandaǵy ındýstrıaldyq aımaqtardy áleýmettik-kásipkerlik korporatsııalar basqarady. «Bylaısha aıtqanda, olar basqarýshy kompanııalar bolmaq. Al jańa tujyrymdamaǵa sáıkes, orta deńgeıdegi basqarýshylar sanatyna «Bolashaq» baǵdarlamasynyń túlekteri kiredi», - dep atap kórsetti S. Jumanǵarın.

Vıtse-mınıstrdiń sózine qaraǵanda, qazirgi kezde respýblıka boıynsha bes ındýstrıaldyq aımaq jumys jasap jatyr. Bolashaqta onyń sany artatyn bolady.