Qazaqstandaǵy Hyundai kólikteriniń keıbir markalary óndirisin toqtatty

NUR-SULTAN. QazAqparat - Qazaqstanda Hyundai Accent pen Hyundai Creta modelderiniń óndirisi ýaqytsha toqtatyldy, dep habarlaıdy QazAqparat Astana Motors kompanııasynyń baspasóz qyzmetine silteme jasap.

«Geosaıası jaǵdaıǵa baılanysty kóktemde Reseı Federatsııasynan jıyntyqtaýyshtar jetkizilimi toqtatyldy. Osy ýaqytqa deıin kásiporyn qorda qalǵan jıyntyqtaýyshtardy paıdalanyp jumys istedi, sondaı-aq Hyundai Motor Company-men basqa elderden jıyntyqtaýyshtardy jetkizýge shuǵyl kvota týraly kelisti. Qazirgi ýaqytta bolashaqtaǵy jetkizilimder jáne jańa logıstıkalyq tizbekter týraly másele pysyqtalýda», - delingen kompanııa habarlamasynda.

Foto: astana-motors.kz