Qazaqstandaǵy «Eń úzdik ulttyq joba» anyqtaldy

NUR-SULTAN. QazAqparat - «Adal tulǵa-2020» ulttyq syılyǵy aıasynda QR BǴM qarasty «ADAL BILIM» jobalyq keńsesi «Eń úzdik ulttyq joba» nomınatsııasyna ıe boldy. Ulttyq syılyqty QR Sybaılas jemqorlyqqa qarsy is-qımyl agenttiginiń tóraǵasy Alık Shpekbaev tabystady, dep habarlaıdy QazAqparat.

Atalǵan marapatqa «ADAL BILIM» jobalyq keńsesi bilim jáne ǵylym salasyndaǵy sybaılas jemqorlyqtyń aldyn alý boıynsha júrgizgen jumystary úshin ıe boldy. Jobalyq keńseniń negizgi qyzmetteriniń biri -mektepke deıingi, orta, tehnıkalyq jáne kásiptik, joǵary jáne joǵary oqý ornynan keıingi bilim berý, ǵylym salasynda parasattylyqty qalyptastyrý. Sondaı-aq «ADAL BILIM» osy salalardy retteıtin normatıvtik quqyqtyq aktilerdi taldaý jumystarymen aınalysady.

«ADAL BILIM» jobalyq keńsesi — memlekettik mekeme emes. Bul — qoǵamdyq jumys. Bilim jáne ǵylym salasyndaǵy jemqorlyqtyń aldyn alý boıynsha jumys istep jatqanymyzǵa 1 jyl ǵana boldy. Osy ýaqyt aralyǵynda atalǵan salalar boıynsha tirkelgen zań buzýshylyqtar boıynsha jumys istep, jaqsy nátıje kórsetip úlgerdik. «Eń úzdik ulttyq joba» atanýymyz bizge úlken jaýapkershilik júkteıdi. Aldaǵy ýaqytta da elimizdegi sybaılas jemqorlyq faktorlaryn barynsha azaıtý úshin qyzmet etetin bolamyz», - dedi ADAL BILIM» jobalyq keńsesiniń tóraǵasy Talǵat Nárikbaev.

Atap óteıik, «ADAL BILIM» jobalyq keńsesi 2019 jyldyń 2 shildesinde M.S. Nárikbaev atyndaǵy KAZGıÝÝ Ýnıversıtetiniń bazasynda qurylǵan.