Qazaqstandaǵy eń tómengi kúnkóris deńgeıi qansha
16:09, 03 Sáýir 2018
ASTANA. QazAqparat - 2018 jylǵy naýryzda eń tómengi kúnkóris deńgeıiniń shamasy 26 196 teńgeni qurady, dep habarlaıdy QazAqparat Ulttyq ekonomıka mınıstrligine silteme jasap.
Vedomstvo málimetinshe, negizgi tamaq ónimderin tutynýdyń eń tómengi normalarynan eseptelgen halyqtyń jan basyna shaqqandaǵy eń tómengi kúnkóris deńgeıiniń shamasy 2018 jylǵy naýryzda ótken aımen salystyrǵanda 0,7 paıyzǵa, al ótken jyldyń naýryzyna qaraǵanda 16,7 paıyzǵa joǵarylaǵan.
«Onyń qurylymynda et pen balyqty satyp alýǵa jumsalǵan shyǵystardyń úlesi 19,8, sút, toń maı ónimderi men jumyrtqaǵa - 15,7, jemister men kókónisterge - 10,2, nan jáne jarma ónimderine - 7,3, qant, shaı jáne dámdeýishterge 2 paıyzdy qurady»,- delingen mınıstrlik málimetinde.