Qazaqstandaǵy dıplomattar Eýro-2016 oıyndaryna qatysty boljamdarymen bólisti

ASTANA. QazAqparat - Ótken aptada Frantsııada bastalǵan fýtboldan Eýropa chempıonaty álemdegi sportsúıer qaýymnyń nazarynda. Onyń ishinde bizdiń jankúıerlerimiz de bar. Bıylǵy EURO 2016 oıyndarynda janyn salyp júrgen ulttyq komandalary týraly tilshimiz eldegi 11 dıplomattyń oıyn-pikirin bilgen bolatyn.

Qazaqstandaǵy Ulybrıtanııa Elshisiniń orynbasary Sara Pıkerıng: «Astanadaǵy Ulybrıtanııa Elshiligine Eýro-2016 chempıonatyna qatysyp jatqan Anglııa, Ýels jáne Soltústik Irlandııa quramalarynyń oıyn órnegin tamashalaýdyń sáti túsip otyr. Biz árbir týrnırge árýaqytta da zor úmitpen kelemiz. Degenmen, bizdiń sońǵy zor jetistigimiz osydan týra 50 jyl buryn álem chempıonatyndaǵy jeńisimiz bolǵan edi. Degenmen biz optımıstik kóńil-kúıdemiz. Ýels quramasy jaqsy bastady. Anglııa chempıonatqa eń jas quramasymen shyqsa, al Soltústik Irlandııa Polshaǵa qarsy oıynnan da jaqsy oıyn órnegin kórsete alar edi. Ony Ýkraınaǵa qarsy oıynda kórsete aldy. Ózime qatysty aıtar bolsam, meniń ájem ırlandııalyq, ózim Vengrııada, Ýkraınada turdym. ıAǵnı, meniń munan da bólek jankúıer bolýǵa turarlyq komandalarym jetkilikti».

Ýkraına elshiliginiń baspasóz hatshysy Irına Blaşýk: «Ýkraınanyń Ulttyq quramasynyń qazirgi quramy Mıhaıl Fomenkonyń jetekshiligimen ýkraınalyq fýtboldyń daryndy býyndy jıdy. 

Eýro 2016 aıasyndaǵy alǵashqy kezdesýin Ýkraına qazirgi álem chempıony  Germanııa komandasymen ótkizdi. Jeńilgenine qaramastan, sportshylar jaqsy oıyn kórsetti. Ýkraınalyqtar komandamyzdyń oıynyn maqtan tutady. Mamandar ýkraınalyqtar Eýro synynda jeńiske jetedi dep oılamaıdy, alaıda árdaıym sońyna deıin oınaý kerek. Óıtkeni  fýtbol oıynynyń sońyn boljaý múmkin emes».  




 

Frantsııa Elshisi Fransıs Eten: «Frantsııa quramasy Eýro 2016 fınalyna shyǵady jáne osy matchty jeńedi». 












 Shveıtsarııa Elshisi Maýro Reına: «Bizdiń ulttyq komandanyń baıqalyp turatyn ereksheligi ol túrli ulttardan jasaqtalýy. Shveıtsarııanyń ulttyq quramasynyń kóp sportshysy shet elderde oınaıdy. Biz eki qyzyqty match ótkizdik. Alaıda bizde gol salýda sátsizdikter boldy. Men ómirge shynaıy qaraımyn, alaıda ulttyq komandamyz jartylaı fınalǵa jetse qatty qýanar edim».










BUU Joǵarǵy komıssar basqarmasynyń Ortalyq Azııadaǵy bosqyndar isteri boıynsha óńirlik koordınatory Bernard Doıl: «Meniń elimde, Irlandııada  fýtboldyń úsh túrin oınaımyz. Keń taraǵany - gall fýtboly. Ony tek Irlandııada ǵana oınaıdy, sondyqtan fýtboldyń bul túri boıynsha árqashan chempıonbyz. Fýtboldyń ekinshi túri regbı. Bizdiń quramanyń bul oıyndaǵy jetistikteri jaman emes, keı kezde, tipti, chempıon atanyp jatamyz. Álemdegi dástúrli fýtbol úshinshi orynda. Shynymdy aıtsam, álemdik jáne Eýropa chempıonattarynda sırek sátti óner kórsetemiz.  Oǵan qaramastan, ırlandııalyq jankúıerler ulttyq quramany jaqsy qoldaıdy. Shvetsııamen kezdesýde teń tústik. Biz osyǵan da razymyz. Endi Belgııamen, keıin Italııamen saıysamyz. Oıyn qalaı aıaqtalatynyn kim bilsin, keıde ǵalamat nárseler oryn alyp jatady!»

Polsha elshisi Matseı Lang: «Bizdiń paıymdaýymsha komandamyzdyń qaýqary áli taýsylmaǵan. Sondyqtan polıak fýtbolshylary óz tobynan shyǵatynan kúmán joq, ary qaraıǵy oıyn qandaı qarsylas túsetinine baılanysty. Komandalardyń jartysyna jýyǵy bizdiń deńgeıde. Biz jartylaı fınalǵa shyǵýǵa barynsha úmittimiz».










Vengrııa Elshisi Andrash Baranı: «Bizdiń ulttyq komandamasyz Avstrııamen ótken bastapqy oıynda 2-0 esebimen jeńiske jetkennen keıin kóptegen qazaqstandyq dostarymnan quttyqtaý aldym. Olar 15-20 adam bolyp toptasyp, Vengrııaǵa jankúıer bolǵandyǵyn aıtýda kelesi kúni Avstrııa Elshisi de meni quttyqtady. Onymen jyly qarym-qatynastamyn jáne azdap qaljyńdasyp ta aldyq. Ózderińiz de biletindeı, erterekte bizdiń elderimiz tutas memleket bolǵan edi. Áli kúnge deıin aramyzda erekshe baılanys ornaǵan. Vengrııa sońǵy ret Eýro chempıonatynyń fınaldyq kezdesýlerine osydan 44 jyl buryn qatysqan edi. 30 jyl ýaqyt ótse de Meksıkadaǵy álem chempıonatyndaǵy sońǵy oıynymyz jadymda jaqsy saqtalypty. Ol kezde bastapqy oıynda Keńes odaǵyna 0-6 esebimen ese jibergen edik. Sondyqtan da birneshe jyldan keıin vengerlik komandanyń qatysyp qana qoımaı birinshi oıynynda jeńiske jetýine qýanypta, maqtanyp ta otyrmyz. Bizdiń elordamyz Býdapeshte osy jeńisten keıin naǵyz mereke festıvali bastaldy. Jankúıerler kóptiginen tipti qalalyq qoǵamdyq kólik qozǵalysyn da toqtatýǵa týra keldi. Qazirgi ýaqytta biz kelesi mańyzdy kezdesý Islandııa quramasymen oıynǵa daıyndalýdamyz jáne 1/8 fınalǵa shyqsaq da rıza bolar edik. Degenmen, birinshi oıyndaǵy vengerlik fýtbolshylardyń ónerinen keıin bizde sporttyq tábetimiz ashyldy desek te bolady. Sol sebepti boljam jasaı otyryp, barlyǵynyń da oryn alýy múmkin ekendigin joqqa shyǵarmaımyn».

Shvetsııa Elshisi Hrıstıan Kamıll: (kúle otyryp) «Óziniń kúshti ári qýatty ekendigin kórsetken Shvetsııa jeńedi dep senimmen aıta alamyn. Qatarymyzda qazirgi fýtboldyń mańdaıaldy ókili  Zlatan Ibragımovıch oınaıdy. Onyń «Men - Zlatanmyn» kitaby Qazaqstannyń saýda sórelerinde paıda boldy. Dál sondaı fılm shyqty, biz sony jaqynda Qazaqstandaǵy kórermenderge usynbaqpyz. Toqeteri bizdiń fýtbolshylar jankúıerlerimizdi jerge qaratpaıdy dep oılaımyn».









Portýgalııanyń senimdi ókili Adelıný da Sılva: «Bizdiń komanda daryndy oıynshylardan quralǵan. Sondyqtan birinshi matchtaǵy nátıjege qaramastan, osy toptan kelesi kezeńge shyǵatynymyzdy kútý oryndy.

Bıyl komandalardyń daıyndyqtary jaqsy bolǵandyqtan, Eýropalyq chempıonattyń  deńgeıi joǵary. Sondyqtan bastapqy kezeńde de báseke myqty bolady dep kútemin.

Fýtbolda kezdeısoqtyq kóp bolǵandyqtan, nátıjelerin boljaý múmkin emes. Portýgalııa komandasy úzdikterdiń qatarynda jáne biz árqashan laıyqty oıyn kórsettik.  Bul joly da Ronaldý men Ko ózderiniń jankúıerleriniń, sonyń ishinde Qazaqstandaǵy fanattarynyń jerge qaratpaıdy dep úmittenemin».






 

Túrkııa Elshisi Nevzat Ýıanyk: «Bıylǵy EURO oıyndarynda túrkııalyq ulttyq qurama úzdikterdiń qatarynda bolady dep oılaımyn jáne  fınalǵa joldama alady dep úmittenemin. Mundaı boljamym qazirgi quramada Eýropa men Túrkııanyń jetekshi klýbtarynda oınaıtyn Arda Týran sııaqty joǵary dárejedegi úzdik túrkııalyq oıynshylardyń jınalýyna negizdelgen. Ár matchte fýtboldyń qajetti atrıbýty bolýy tıis Fair Play erejelerin saqtaý kerek».

Reseıdiń saýda ókili, Aleksandr ıAkovlev: «Reseılik komanda óz tobynda ekinshi oryn alady, sol arqyly shırek fınalǵa shyǵýǵa múmkindigi bar, tipten sońǵy oıynǵa jetýi múmkin».

Saýalnamany júrgizgen: Ilıas Omarov