Qazaqstandaǵy BUU-nyń Damý baǵdarlamasymen birlesip, sot protsesine qatysýshylar arasynda áleýmettik saýalnama júrgizile bastaldy
09:22, 24 Aqpan 2015
ASTANA. QazAqparat - Qazaqstandaǵy BUU-nyń Damý baǵdarlamasymen birlesken joba aıasynda respýblıka sottarynda sot protsesine qatysýshylar arasynda áleýmettik saýalnama júrgizile bastaldy.
Basty maqsat - sot jumysynyń sapasyna azamattardyń senimi men qanaǵattanarlyq dárejedegi deńgeıin anyqtaý.
Zertteý jumystaryn táýelsiz, úkimettik emes uıym, Quqyqtyq saıasatty zertteý ortalyǵy respýblıkanyń 200 sotynda azamattarǵa suraq qoıý arqyly júrgizedi. Uıymdastyrýshylar saýalnamanyń suraqtaryn sottar jumysyn baǵalaýdyń halyqaralyq ólshemderin eskere otyryp ázirlegenin aıta ketýimiz kerek. Іs-sharanyń merzimi - aǵymdaǵy jyldyń mamyr aıyna deıingi kezeńdi qamtıdy. Bul shara barysynda 12 000-ǵa jýyq respondentke saýalnama júrgizilmek. Zertteýdiń qorytyndylary týraly derekterdi sýdıalardyń keńeıtilgen keńesinde baıandaý jáne buqaralyq aqparat quraldarynda jarııalaý kózdelingen.