Qazaqstandaǵy BUU basshysy Naýryz merekesine oraı ulttyq taǵam daıyndady

NUR-SULTAN. QazAqparat – 2009 jyldan bastap Naýryz adamzattyń materıaldyq emes mádenı murasy tizimine endi. Bul – beıbitshilik pen mádenı sanalýandylyq qundylyqtaryn merekeleý.

«Naýryz» sózi jańa kún degendi bildiredi jáne ony álemniń 300 mıllıonnan astam turǵyny jańa jyldyń bastalýy retinde atap ótedi.

BUU Bas hatshysy Antonıý Gýterrısh: «Ótken jyly Naýryz meıramy buryn-sońdy bolmaǵan jáne joıqyn ǵalamdyq pandemııanyń alǵashqy kúnderine sáıkes keldi. Bıylǵy jyly Naýryz rýhyn saqtaý asa ózekti. COVID-19 jeńý úshin álem birikken kezde, Naýryz tabıǵatpen úılesimdi túrde qalpyna keltirýge shabyttandyrady», - dep atap ótti.

Al Qazaqstandaǵy BUU Turaqty úılestirýshisi Mıkaela Frıberg-Storı hanym Qazaqstanǵa kelgenine alty aıdan astam ýaqyt ótip, atalǵan ýaqytta jasap úırengen qazaqtyń ulttyq desertteriniń keıbir retseptileriniń beınetúsirilimin jarııalady

«Ulystyń uly kúninde týys jaqyndar kóktemniń bastalýyn toılaý úshin dámdi taǵamdarmen bezendirilgen dastarqan aınalasynda jınalady. Sondyqtan indetpen baılanysty shekteýlerdi eskere otyryp, adamdar úıde ulttyq taǵam daıyndap, atap ótkenin quptaımyz. Búgin biz eń tanymal desertter – «Jent» kámpıtteri men «Hvorost» taǵamyn birge daıyndadyq. Naýryz – bir-birimizdi keshirip, jaqsylyqqa úmit bildiretin dostyq merekesi. Osy múmkindikti paıdalana otyryp, barsha qazaqstandyqtarǵa máńgilik baqyt, órkendeý jáne jarqyn bolashaq tileımin!»