Qazaqstandaǵy búkil bilim basqarmalary bir aı boıy tekseriledi
Oqý-aǵartý mınıstrligi jergilikti atqarýshy organdardyń bilim salasyndaǵy qyzmetin úılestirý men ádistemelik basshylyqty júzege asyrý maqsatynda 5 maýsym men 5 shilde aralyǵynda bilim basqarmalarynyń qyzmetine keshendi zerdeleý júrgizedi.
Zerdeleý tek bilim basqarmalarynyń jumysyn qamtıdy, sáıkesinshe balabaqshalarǵa, mektepterge, kolledjderge jáne basqa da bilim berý uıymdaryna barmaıdy.
Zerdeleýdiń negizgi maqsaty - bilim berý júıesiniń damýyn tejeýshi faktorlardy jáne úzdik óńirlik tájirıbeni anyqtaý. Sondaı-aq zerdeleý barysynda mınıstrliktiń komıtetteri men departamentteriniń mamandary jáne onyń vedomstvolyq baǵynysty uıymdarynyń qyzmetkerleri ádistemelik kómek kórsetedi. Zerdeleý júrgizý úshin óńirlik basqarmalar qyzmetiniń barlyq baǵyttaryn qamtıtyn arnaıy ólshemsharttar ázirlendi.
Іs-sharanyń qorytyndysy boıynsha óńirlerdiń bilim berý júıesin jetildirý jáne olardyń qyzmetiniń tıimdiligin arttyrý jóninde usynymdar beriledi.
«Bilim basqarmalaryn zerdeleýge muǵalimder nemese bilim berý uıymdarynyń basshylary tartylmaýy tıis ekenin taǵy da eske salǵym keledi. Bilim berý uıymdary úshin jazǵy demalys ýaqyty bastaldy, muǵalimder bekitilgen kestege sáıkes kezekti demalysqa shyǵady. Qorytyndy emtıhandardan keıin de pedagogterdiń zańdy eńbek demalysyna shyǵýyna eshbir kedergi bolmaýy kerek. Bilim salasynda sapany qamtamasyz etý komıteti barlyq pedagogterge 2022-2023 oqý jyly ishinde atqarǵan jumysy úshin alǵys aıtady» deıdi komıtet basshysy.