Qazaqstandaǵy birqatar uıym, mekeme ókilderi latyn álipbıin qoldap, Elbasyna hat joldady
Qazaqstan Respýblıkasy Mádenıet jáne sport mınıstrligine qarasty «QR Ulttyq kitaphanasy» respýblıkalyq memlekettik mekemesiniń ujymy Prezıdentke joldaǵan hattarynda qazaq tilin birtindep, latyn álipbıine kóshirý máselesin qoldaıtyndyqtaryn jetkizgen.
«Latyn álipbıine kóshý - zaman talaby. Memlekettiń tabysty damýy tildik ortaǵa da baılanysty ekendigi bárimizge málim, sondyqtan da ol qazirgi jahandyq ózgeristerge ilese alatyn, álemdik básekege qabiletti memleket bolýy tıis. Latyn álipbıine kóshý - ana tilimizdi damytyp qana qoımaı, halqymyzdyń birligin kúsheıtip, rýhanı jaqyndastyrady. Bul sharanyń, shyn máninde, memleketimizdiń damýyn jańa deńgeıge kóterip, elimizge jańa múmkindikter ashatynyna jáne qazirgi órkenıet jetistikterine alyp baratynyna biz kámil senimdimiz. Elimizdiń tynyshtyǵy men turaqtylyǵy úshin, onyń qarqyndy damýy men bolashaǵy úshin Elbasynyń júrgizip otyrǵan saıasatyn biz árqashanda qoldaımyz jáne ony júzege asyrýda úlken tabystar tileımiz!»,-delingen hatta.
Al QR Mádenıet jáne sport mınıstrligine qarasty Abaıdyń «Jıdeli-bórili» memlekettik qoryq mýzeıi respýblıkalyq memlekettik qazynalyq kásipornynyń qyzmetkerleri táýelsiz elimizdiń eń joǵary zań shyǵarýshy organy - Qazaqstan Parlamenti jas memleketimizdiń damýyna zor úles qosyp kele jatqandyǵyn aıtqan.
Osyǵan qaraı, kásiporyn ókilderi 11 qyrkúıek kúni Májiliste «Memlekettik tildiń latyn grafıkasyndaǵy álipbıiniń biryńǵaı standartyn engizý máseleleri týraly» ótken tyńdaý, Parlamenttiń óz saılaýshylarynyń kóńil kúıin, elimizdiń egemendikti bekitýge degen arman-tilegin jaqsy biletinin kórsetkendigin jetkizgen.
«Májilistiń otyrysynda «Qazaq tilin jańǵyrtýdyń basty kórsetkishi - latyn jazýyna kóshý» dep atap kórsetilip, bul qadamnyń álem qazaqtaryn biriktiretin mańyzdy faktor ekenine nazar aýdarylýy sonyń taǵy bir jarqyn dáleli. Biz, Abaıdyń «Jıdeli-bórili» memlekettik qoryq mýzeıiniń ujymy, Parlament uıǵarymyn qýana qarsy aldyq jáne elimizdiń jańa álipbıge kóshýine belsendi atsalysatyn bolamyz. Qazaq jazba ádebıetiniń negizin qalaǵan uly aqynnyń urpaqqa qaldyrǵan tereń ulaǵaty men ósıeti bizdi osyǵan mindetteıdi. Abaı shańyraǵynyń shyraqshylary elimizdiń barlyq patrıottaryn jáne Parlament depýtattaryn egemendik pen eldik jolyndaǵy betburysty qadammen shyn júrekten quttyqtaıdy!»,-deıdi olar Elbasyna joldaǵan hattarynda.
Sonaı-aq «P. Chaıkovskıı atyndaǵy Almaty mýzykalyq kolledji» respýblıkalyq memlekettik qazynalyq kásipornynyń ókilderi Májilis otyrysynda latyn álipbıine kóshý týraly zańnyń qabyldanǵany búkil qazaq halqyn jáne P. Chaıkovskıı atyndaǵy Almaty mýzykalyq kolledji ujymyn jańa bir rýhanı satyǵa kótergendigin jetkizgen.
«Latyn álipbıi jańa tarıhı kezeńge aıaq basýǵa, básekege qabilettilikti arttyrýǵa, ári bilimdi, otanshyldyqty damytýǵa úlken septigin tıgizedi. Biz Sizdi qoldaımyz! Biz Sizben birgemiz! Latyn álipbıin qoldaný - elimizdiń bolashaǵy úshin jasalǵan úlken tarıhı qadam!»,-deıdi olar.