Qazaqstandaǵy benzınniń shekti baǵasy kóterildi

ASTANA. 27 shilde. QazAqparat /Arman Asqarov/ - Búgin QR Munaı jáne gaz mınıstrliginde ótken keńestiń sheshimi boıynsha Qazaqstandaǵy benzınniń shekti baǵasy kóterildi.

Mınıstrliktiń baspasóz qyzmeti taratqan aqparatqa sáıkes aǵymdaǵy jyly elimizdegi janar-jaǵar maı quıý stansalaryndaǵy AI-92/93 markaly benzınniń baǵasy 106 teńge, AI-80 - 86 teńge jáne dızeldi otyn - 90 teńge bolmaq.

Aıta keteıik, keshe Úkimet otyrysynan keıin jýrnalısterge suhbat bergen QR Munaı jáne gaz mınıstri Saýat Myńbaev elimizdegi janar-jaǵar maıdyń shekti baǵasy 1-2 kúnde belgili bolady dep málimdegen. Onyń aıtýynsha, endi Qazaqstandaǵy benzınniń shekti baǵasyn QR Ekonomıkalyq damý jáne saýda mınıstrligi, tabıǵı monopolııalardy retteý agenttigi, sondaı-aq Munaı jáne gaz mınıstrligi belgileıtin bolady. Mınıstr búgingi keńeste janar-jaǵar maıdyń kóterme baǵasy da kelisiledi dep aıtqan bolatyn.