Qazaqstandaǵy benzın kólemi qansha
«Munaı ónimderiniń negizgi túrlerine baǵa belgileý túrli faktorlardyń qysymynda turǵandyǵyn jaqsy túsinemiz. Degenmen, benzınge qatysty aıtar bolsam, otandyq munaı óńdeý zaýyttaryn jańǵyrtýdan ótkizýdiń arqasynda qajettilik tolyǵymen ótelip otyr. Bul sózime elimizdiń munaı bazalaryndaǵy úlken qor dálel bola alady. Búgingi kúni jıyntyq qordyń kólemi benzın boıynsha 352 myń tonnany quraıdy. Munaı baǵasynyń ósýine qaramastan bólshek saýdadaǵy benzın baǵasy lıtrine 160 teńgeden 155 teńgege deıin tómendedi», - dedi mınıstr.
Sonymen qatar, Qanat Bozymbaev elimiz taıaý ýaqyttyń ishinde kórshi Qyrǵyz eline benzın eksporttaı bastaıtyndyǵyn atap ótti.
«Buǵan qosa, RF-men qol qoıylǵan jáne Qyrǵyzstanmen arada jasalatyn kelisimder kúshine engennen keıin benzındi ımporttaýshy bolyp kelgen elimiz netto-eksporterge aınalady. Bul taıaý aıdyń ishinde oryn alyp qalar», - dedi ol.