Qazaqstandaǵy BAQ ókilderi «Anadoly» agenttigimen yntymaqtastyq máselesin talqylady

ANKARA. QazAqparat – Túrkııada saparmen júrgen «QazAqparat» halyqaralyq aqparat agenttiginiń bas dırektory Asqar Ýmarov pen Qazaqstan respýblıkalyq teleradıokorporatsııasy tóraǵasynyń orynbasary Ilhamjan Ibragımov «Anadoly» agenttigine bardy, dep habarlaıdy QazAqparat.

«Anadoly» agenttiginiń bas redaktory Metın Mýtanoǵly Qazaqstan delegatsııasyn agenttik redaktorlarymen birge dóńgelek ústelinde qabyldady.

«QazAqparat» HAA Bas dırektory Asqar Ýmarov «Anadoly» agenttigin qurylýynyń 101 jyldyǵymen quttyqtady. Asqar Ýmarov «QazAqparat» agenttiginiń qyzmetimen tanystyra otyryp, agentik óz jumysynyń aıasyn keńeıtip, jetildire bastaǵanyn atap ótti.

Taraptar ortaq jobalardyń bolashaǵyn, Qazaqstan men Túrkııaǵa qatysty mańyzdy taqyryptarda ózara qoldaý kórsetý, Qazaqstan Táýelsizdiginiń 30 jyldyǵy, ıÝnys Emre men túrki tili jyly aıasyndaǵy ózara yntymaqtastyq, sondaı-aq aqparat agenttikteri aldyndaǵy syn-qaterler máselesin talqylady. Budan basqa óz tájirıbelerimen bólisti.

Asqar Ýmarovtyń aıtýynsha, «Anadoly» agenttigimen birlesken jumystar mańyzdy, óıtkeni «Anadoly» - álemdegi bedeldi aqparat agentiginiń biri. Ilhamjan Ibragımov, Qazaqstannyń ulttyq jáne óńirlik telekanaldarynyń dıapazony týraly aıtyp berdi.

«Anadoly» agenttiginiń bas redaktory Metın Mýtanoǵly qazaqstandyq pressa ókilderin agenttiktiń qyzmetimen tanystyryp, Qazaqstan men Túrkııanyń tyǵyz qarym-qatynasyna joǵary baǵa berdi. Sondaı-aq ol agenttiktiń Qazaqstandaǵy jańalyqtarǵa qyzyǵýshylyq tanytatynyn jetkizdi.