Qazaqstandaǵy Ázerbaıjan elshisi jáne konsýly keri shaqyrtyldy

ASTANA. QazAqparat - Ázerbaıjan Prezıdenti Ilham Álıev sársenbi kúni ÁR-nyń birqatar elderdegi 5 elshisi men eki konsýlyn keri shaqyrtý týraly ókimge qol qoıdy, dep habarlanǵan Ázerbaıjan Prezıdentiniń resmı saıtynda.

I.Álıev Ázerbaıjannyń elshilerin: BAÁ-degi elshisi - Elhan Gahramanovty, Estonııadaǵy elshisi - Tofık Zýlfýgarovty, Qazaqstandaǵy elshisi - Zakır Gashımovty, Túrikmenstan jáne Aýǵanstandaǵy elshisi - Vahdat Sýltan-zadeni, Argentına, Paragvaı, Bolıvııa jáne Ýrýgvaıdaǵy elshisi - Mamed Ahmedzadeni keri shaqyrtty.

Sonymen qatar Ázerbaıjan Prezıdenti Aqtaý qalasyndaǵy bas konsýl Rashad Mamedov pen Ystambuldaǵy bas konsýl, Qarateńizdik ekonomıkalyq yntymaqtastyq uıymynyń turaqty ókili Gasan Zeınalovty keri shaqyrtty. Taǵy bir ókimmen Ázerbaıjannyń BUU Jeneva bólimshesi janyndaǵy jáne basqa da halyqaralyq uıymdardyń turaqty ókili Mýrad Nadjafbeılı keri shaqyrtyldy.