Qazaqstandaǵy árbir onynshy oqýshy «Kod saǵaty» aktsııasyna qatysty

NUR-SULTAN. QazAqparat - Bıylǵy 9-15 jeltoqsan aralyǵynda Qazaqstanda besinshi ret aýqymdy «Kod saǵaty» aktsııasy ótti, dep habarlaıdy QazAqparat tilshisi.

Aktsııa aıasynda jalpy bilim beretin mektepter men oıyn-saýyq ortalyqtarynda Qazaqstan boıynsha 360 000 oqýshy ınformatıka páni boıynsha bir saǵattyq sabaqqa qatysty.

«Kod saǵaty» aktsııasynyń maqsaty - ár adam baǵdarlamalaýmen aınalysa alatynyn túsindirý. Bul sharanyń aýqymy aktsııaǵa qaraǵanda keńirek. Bıyl qatysýshy qyz balalardyń úlesi 50%-ǵa ósti. Byltyr bul kórsetkish 47% bolatyn. Sondaı-aq, «Kod saǵatyna» qatysýshy oqýshylardyń 54% - qazaqtildi oqýshylar», - deıdi Qazaqstandaǵy «Kod saǵatyn» uıymdastyrýshy Alena Tkachenko.

Onyń aıtýynsha, bul aktsııa arqyly oqýshylar baǵdarlamalaýdy úırenip qana qoımaı, ІT salasyna qatysty bazalyq bilim alady.

Buǵan deıin atalǵan aktsııaǵa jyl saıyn 180 memleket qatysatynyn jazǵan bolatynbyz.