Qazaqstandaǵy alǵashqy kásibı Parlament qalaı saılandy - Elbasy kitabynan
Tarıhı pýblıtsıstıka janrynda jazylǵan, qazaq jáne orys tilderinde basylǵan Elbasynyń bul eńbegi elimizdiń jańa tarıhy men onyń erteńine degen avtordyń kózqarasyn tanytady. Búgin «QazAqparat» osy kitaptan Qazaqstanda tuńǵysh ret Senat pen Májilis depýtattaryn saılaý, alǵashqy kásibı Parlament jónindegi Elbasynyń estelikterinen úzindi keltirýdi jón kórip otyr.
***
1995 jylǵy Parlament saılaýy. Alǵashqy kásibı Parlament.
Konstıtýtsııa qazaqstandyq parlamentarızmdi damytýdyń prıntsıpti túrdegi jańa kezeńin bastap berdi. Buryn «Parlament» sózi Joǵarǵy Keńeske qatysty aıtylsa da, resmı qoldanylǵan emes. Jańa negizgi zań Parlamentti joǵary zań shyǵarýshy organ dep jarııalap, bul sózge memlekettik mártebe berdi, al uǵymnyń ózin naqty saıası mazmunmen baıytty.
1995 jyldyń 5 jeltoqsanynda alǵashqy Senat saılaýy, 9 jeltoqsanda - Qazaqstan halyq birligi partııasy 67 orynnyń 24-ine ıe bolyp, senimdi túrde jeńiske jetken Májilis saılaýy ótkizildi. Demokratııalyq partııa - 12 oryn, Sharýalar odaǵy - 7, Kásipodaq federatsııasy - 5, Jastar odaǵy - 3, Injenerlik akademııa - 5, Kompartııa 2 oryn aldy. Qazaqstan halyq kongresine, Halyqtyq-kooperatıvtik partııaǵa, Kásipkerler odaǵyna, Qazaqstannyń qaıta qurý partııasy men «Nevada - Semeı» qoǵamdyq qozǵalysyna bir-bir orynnan tıdi.
Meniń usynysym boıynsha Senat tóraǵalyǵyna Ó. Baıgeldi saılandy, Májilisti M.Ospanov basqardy. Men, ol kezde qosymsha zańdy ókilettikke ıe Prezıdent retinde Parlamentke zań boıynsha ózime tıesili barlyq zańdyq bılikti berdim. Sol arqyly maǵan berilgen erekshe ókilettikterdiń ýaqytsha jáne májbúrlikten týyndaǵan saıası shara ekeni dáleldendi. Qazaqstannyń úılesimdi ishki saıası bolashaǵynyń birden-bir kepili de dál osy bılik tarmaqtary arasyndaǵy oılastyrylǵan tepe-teńdikte jatyr.
1996 jyldyń qańtarynda Parlament óz jumysyna kiristi.