Qazaqstandaǵy alǵashqy gematologııa ortalyǵy Óskemende ashylady
«Biz biregeı gematologııa ortalyǵyn salyp jatyrmyz. Ol barlyq álemdik standarttarǵa saı keledi. Qazaqstanda gematologııa ortalyǵy múldem joq. Bizdiń jerlesterimiz, balalarymyz emdelý úshin álemniń túrli elderine barady. Bir naýqasty emdeý aqysy 30-60 myń dollar aralyǵynda bolady. Bul eń kúrdeli medıtsınalyq protsedýra. Bizdiń ortalyq molekýlıarlyq-genetıkalyq zerthanamen jáne dińgekti jasýshalardy kýltıvatsııalaý zerthanasymen jabdyqtalady», - dedi D. Ahmetov Ortalyq kommýnıkatsııalar qyzmetinde ótken baspasóz máslıhatynda.
Onyń aıtýynsha, ana men bala ortalyǵynyń aýrýhanasy úshin arnaıy jabdyq satyp alyndy, ol qan analızi negizinde áıel aǵzasynyń balalar aýyryp qalýy múmkin kúrdeli aýrýlarǵa beıimdiligin anyqtaıdy. Ótken jyldan bastap óńirde PACS júıesinde jasandy ıntellekt engizildi. Bul rentgenoskopııa, KT jáne MRT arqyly qaterli isik aýrýyn anyqtaýǵa múmkindik beredi.
D. Ahmetovtyń aıtýynsha, bıyl densaýlyq saqtaý salasyna 32 mlrd teńge bólinedi.