Qazaqstandaǵy AQSh Elshisi Dımash Qudaıbergenmen kezdesti

NUR-SULTAN. QazAqparat – Qazaqstandaǵy AQSh Elshisi Ýılıama Mozera ánshi Dımash Qudaıbergenmen jáne onyń ákesi ári prodıýseri Qanat Aıtbaevpen kezdesti, dep habarlaıdy QazAqparat.

Qazaqstandaǵy Amerıka elshiliginen málim etkendeı, eki el arasyndaǵy ózara yqpaldastyq – jyly atmosferada ótken júzdesý barysynda áńgimege arqaý bolǵan. Dımash óz kezeginde elshilikte qyzmet etetin jankúıerlerine ýaqyt bólip, áńgimelesken. Atap ótilgendeı, dıpmıssııada olardyń sany óte kóp.

«Búgin AQSh Elshiligi úshin qýanyshty sát boldy! AQSh pen Qazaqstannyń yntymaqtastyǵy úshin jáne eki el arasyndaǵy qarym-qatynastyń nyǵaıýy úshin eńbek etetin qyzmetkerlerdiń arasynda Dımash Qudaıbergenniń jankúıerleri óte kóp. Altyn ýaqyttaryn bólip kelgen Dımash pen Qanat Aıtbaevqa alǵysymyz sheksiz!», - dedi elshilikten.

Eske salaıyq, bıylǵy 10 jeltoqsanda Nıý-Iork qalasyndaǵy «Barclays Center» arenasynda Dımash Qudaıbergenniń jeke kontserti ótedi. Sharany QR Mádenıet jáne sport mınıstrligi uıymdastyryp otyr. Onda ánshi buǵan deıin elordada oryndaǵan «Arnaý» baǵdarlamasyn usynady.

Kontsertke bıletterdiń satylymy bastaldy.