Qazaqstandaǵy 9 teatr bas rejıssersiz jumys isteýde - Mádenıet mınıstri

ASTANA. QazAqparat - Qazaqstan teatrlarynda rejısser jetispeıdi. Bul týraly búgin QR Úkimetiniń selektorlyq rejimdegi otyrysynda QR Mádenıet jáne aqparat mınıstri Muhtar Qul-Muhammed aıtty.

Teatrlardaǵy kadr, ásirese onyń bastysy rejısser mamandyǵynyń jetispeýshiligi bolyp otyrǵandyǵyn basa aıtqan mınıstr: «Qurmetti Serik Nyǵmetuly! Búginde 9 birdeı óńirlik teatrymyz bas rejıssersiz jumys isteýde. Selektor bolǵannan keıin aıta keteıin, olardyń ishinde Aqtóbe, Atyraý, Qaraǵandy, Jezqazǵan, Pavlodar, Soltústik qazaqstan, Jambyl, Ońtústik Qazaqstan óńirleri bar»,- dedi.

Onyń aıtýynsha, óńirlerge baryp jumys isteýge daıyn rejısser joq emes, bar. Biraq olarǵa jaǵdaı jasaý qajet. ıAǵnı, oblysqa jańa kelgen rejısserǵa baspana, laıyqty jalaqy, oblys basshylyǵy tarapynan qoldaý, ynta-yqylas kerek.

«Rejısserdiń taǵdyry osyndaı bolsa, teatrǵa keletin jas akterlerdiń jaǵdaıy qalaı bolmaq? Osydan kelip taǵy bir problema - oblystyq teatrlardy jańa býyn akterleri jas ártistermen tolyqtyrý máselesi týyndaıdy», - dedi ol.