Qazaqstandaǵy jylyjaılar jaqyn arada respýblıkanyń qııarǵa degen suranysyn tolyq óteı alady
Qazaqstandaǵy barlyq jylyjaıdyń 70%-dan astamy oblys aýmaǵynda ornalasqan. Mamyr aıynyń basynda jylyjaıda qulpynaı ósirýshiler el naryǵyna engen ımporttyq jáne arzan tátti jıdekterdiń kóptigi týraly másele kótergen bolatyn. Arzan ımport olardy shyǵynǵa ushyraýyna yqpal etti. Tegisshil aýyldyq okrýginde Serik Jumanǵarın fermerlerdiń máselelerin tyńdaý úshin jergilikti jylyjaı ıelerimen kezdesti.
«Abdýraman» sharýa qojalyǵynyń basshysy Ashırafı Shymbergenov jalpy aýdany 33 ga ashyq jáne jabyq jerde qulpynaı ósirý jobasyna 300 mln teńge ınvestıtsııa salǵan. Ońtústik koreıa tehnologııasy boıynsha salynǵan jylyjaıdyń kólemi 5,5 ga. Tehnologııanyń ereksheligi – kún sáýlesin paıdalanady jáne arnaıy jamylǵymen jylytylǵan, sonyń arqasynda jylyjaı daqyldaryn salý jáne óndirý qarapaıym ónerkásiptik jylyjaılarǵa qaraǵanda 3 ese arzan. Jylýdy asa kóp qajet etpeıdi. Qys mezgilinde shyǵynnyń 70%-yna deıin jylýǵa jumsaıtyn sharýashylyqtar úshin bul óte mańyzdy tehnologııa.
A.Shymbergenovtiń aıtýynsha, Qytaı men Koreıada bul tehnologııa barlyq jerde qoldanylyp, qyzanaq, qııar jáne basqa da jylyjaı daqyldaryn óndirý qunyn arzandatýda. Ony tómen temperatýrada da qoldanýǵa bolady. Bolashaqta sharýa qojalyǵynyń basshysy qazaqstandyq qulpynaı eksportyn bastaýdy josparlap otyr.
Vıtse-premermen kezdesýde sharýa qojalyǵynyń basshysy óndiristi keńeıtý úshin ınvestıtsııalyq sýbsıdııa ala almaıtynyn aıtyp, másele kóterdi. Ony basqa jylyjaılar da qoldap, memlekettik qoldaýdyń bul túri olar úshin qoljetimdi emes ekenin atap ótti. Jylyjaı sharýashylyqtary qaýymdastyǵynyń tóraǵasy Danııar Qaltaev qazirgi jylyjaılar aýa-raıynyń qolaısyzdyǵyna tózimdi ekenin atap ótti.
«Jylyjaı ósirýshiler jańa tehnologııalardy, standarttardy engizip, óndiristi keńeıtýde. Biz qazir elimizde jylyjaı sharýashylyǵyn damytý tujyrymdamasyn birlesip daıyndap jatyrmyz. Biraq jyldan jylǵa qaıtalanatyn másele bar. Ol – ótkizý naryǵy. Ónim jınaı bastaǵanda, baǵa tómendeıdi. Jaqynda biz maýsymda Qazaqstannyń qııarǵa degen barlyq qajettiligin ótýge daıyn bolamyz. Kórshiles elderden jylyjaı kókónisteri men jıdekter azaısa, ózimiz ósirgen ónimdi tolyq kólemde satý úshin bizge tek 2-3 aı ýaqyt qajet», - dedi Danııar Qaltaev.
Serik Jumanǵarın usynystardy tyńdap, máselelerdi múddeli memlekettik organdarmen birge qaraýǵa jáne sheshim qabyldaýǵa ýáde berdi.