Qazaqstandaǵy Japonııa elshisi eki ulttyń uqsastyǵy týraly aıtty

<p>ASTANA. KAZINFORM &ndash; Qazaqtar men japondar rasymen uqsaı ma? Qazaqstan Respýblıkasyndaǵy Japonııanyń Tótenshe jáne Ókiletti Elshisi Djýn ıAmada eki ulttyń uqsaıtyndyǵyn aıtyp, mysal keltirdi.&nbsp;</p>

«Japondar men qazaqtardyń óte uqsas ekenin jıi aıtamyz. Basqa ulttarǵa qaraǵanda áldeqaıda uqsas. Eger Japonııada qazaq azamatyn jeke tanymasa, onyń ózge ult ekenine senbes edi. Men sizderge vızýaldy túrde ǵana emes, áldeqaıda tereń tarıhı máni bar mysal keltirsem. Myna myrzanyń kim ekenin bárińiz bilesizder? (ekranda Álıhan Bókeıhanovtyń foto shyqty). Al endi myna portret týraly ne oılaısyzdar? Bul Meıdzı Imperatory degen atpen belgili bolǵan japon Imperatory Mýtsýhıto, qazirgi Imperatordyń atasy. Bul jerde beınelengen Meıdzı Imperatordyń keıbir zamandastary, qazirgi Japonııanyń qalyptasýyna úlesin qosqan azamattar. Qazaqqa uqsaıdy emes pe? Rasynda bul kisiler bizdiń Alash kósemderi edi», - dedi Djýn ıAmada elordada ótken is-sharada.

Foto: Kazinform/Vıktor Fedıýnın

Sondaı-aq, Elshi myrza qazaq-japon uqsastyǵynyń qupııasy ashylatyndyǵyna senim artty.

«Kúnderdiń bir kúni ǵalymdar men tarıhshylar tańǵalarlyq uqsastyqtyń artynda turǵan qupııany ashady. Biz qazirdiń ózinde tarıhymyzdyń jekelegen ortaq betterin eske túsire alamyz. Olardyń kóbi qaıǵyly bolǵanymen, bizdiń yntymaqtastyq jáne baýyrlastyq sezimimizdi odan saıyn nyǵaıta túsedi», - deıdi ol. 

Odan ári Djýn ıAmada eki ultqa ortaq Semeı jáne Hırosıma-Nagasakıde bolǵan ıadrolyq synaqtyń tarıhyna toqtaldy.

Aıta ketsek, Astanada Qazaqstandaǵy Japonııa elshiliginiń uıymdastyrýymen Japonııanyń 126-Uly Mártebeli Imperatory Narýhıtonyń 64 jasqa tolýyna oraı saltanatty shara ótti.