Qazaqstandaǵy ulttyq parkter aýmaǵyna kirýdiń jańa tarıfteri jarııalandy

<p>2022 jylǵy 21 jeltoqsanda &laquo;Salyq jáne bıýdjetke tólenetin basqa da mindetti tólemder týraly&raquo; Kodeksine jáne &laquo;Salyq jáne bıýdjetke tólenetin basqa da mindetti tólemder týraly&raquo; Kodeksin qoldanysqa engizý týraly&raquo; Zańyna ózgerister men tolyqtyrýlar engizý týraly&raquo; Zańy kúshine endi. Osy qujat aıasynda Salyq kodeksiniń 591-babyna memlekettik ulttyq tabıǵı parkterdiń aýmaǵyna kólik quraldarynyń kirýi úshin tólem alý boıynsha tolyqtyrý engizildi, dep habarlaıdy <a href="Kazinform" target="_blank" rel="noopener">Kazinform</a>.</p>

Atap aıtqanda, respýblıkalyq mańyzy bar erekshe qorǵalatyn tabıǵı aýmaqtarǵa barǵan kezde alynatyn tólemaqy mólsherlemesi belgilengen. Bul tólem erekshe qorǵalatyn tabıǵı aýmaqta bolǵan árbir kún úshin esepteledi.

Máselen, jaıaý júrginshiden – 0,1 AEK, mototsıklderden, mopedterden, kvadrotsıklderden – 0,2 AEK, jeńil avtomobılderden – 0,3 AEK, oryn sany 16-ǵa deıingi shaǵyn avtobýstar men júk avtomobılderinen – 1 AEK, oryn sany 32-ge deıingi avtobýstardan – 2 AEK, sondaı-aq oryn sany 32-den joǵary avtobýstardan 3 AEK somasynda bolady. Bul ózgeris 2024 jyldyń 1 qańtarynan bastap kúshine enedi.

«Erekshe qorǵalatyn tabıǵı aýmaqtarda bolǵany úshin tólemaqy salyq saıasaty salasyndaǵy ýákiletti organmen kelisilip, onda kóliktiń árbir túrindegi jolaýshylardyń ortasha sanyna qaraı eseptelip belgilendi. Mınıstrliktiń Orman sharýashylyǵy jáne janýarlar dúnıesi komıteti tóraǵasynyń 2020 jylǵy 30 jeltoqsandaǵy № 27-5-6/253 buıryǵymen tabıǵatty qorǵaý mekemeleri kórsetetin qyzmetterdiń tarıfteri bekitildi, onda tıisti qyzmetterdiń qoldanystaǵy tarıfterin kórýge bolady», - delingen Ekologııa mınıstrliginiń Kazinform agenttiginiń resmı saýalyna bergen jaýabynda.

Erekshe qorǵalatyn tabıǵı aýmaqtarda tólemaqy alýdyń ashyqtyǵyn qamtamasyz etý jáne sybaılas jemqorlyq táýekelderin azaıtý maqsatynda Memlekettik ulttyq park aýmaǵyndaǵy baqylaý-ótkizý pýnktterin avtomattandyrý jumystary iske asyrylyp jatyr.

Sonymen qatar, kelýshiler kirý bıletterin onlaın satyp alýy úshin barlyq ulttyq park banktik tólem qyzmetterine (kaspi.kz, homebank) qosylǵan. Tarıfterdi ózgertý «Erekshe qorǵalatyn tabıǵı aýmaqtar týraly» Zańynyń 38-babyna sáıkes keltirý maqsatynda júzege asyryldy.

Sebebi avtokólikter qorshaǵan ortaǵa adamdarǵa qaraǵanda kóbirek zııan keltiredi.
Mınıstrlik mamandarynyń paıymynsha, bul normalar adamdardyń jaıaý týrızmge nazar aýdarýyn yntalandyrýǵa yqpal etedi. Osy rette biregeı tabıǵı oryndardy saqtaýǵa oń áserin beredi.

Aıta keteıik, 2024 jyly bir AEK 3 692 teńgeni quraıdy.