Qazaqstandaǵy tasqyn jahandyq jylyný áserinen boldy — Qazgıdromet

<p>ASTANA. KAZINFORM&nbsp;&mdash; Qazir tek Qazaqstan emes, tutas jahan mazasyz. QHR Gýandýń provıntsııasyn tasqyn sý&nbsp;jaılap, el&nbsp;ekonomıkasyna 19&nbsp;mln dollar shyǵyn keldi. Kórshiles Qyrǵyzstanda da&nbsp;sý&nbsp;adýyndy minez tanytyp, úsh óńirinde TJ&nbsp;jarııalandy. Kenııada da&nbsp;alapat tasqyn bolyp, 11 myńnan astam turǵyn úı-jaısyz qaldy.</p>

Úndistanda qumdy daýyl, Birikken Arab Ámirlikterinde — nóser, Oman elinde — jańbyrdyń sońy tasqynǵa ulasty.

«Qazgıdromet» RMK ǵylymı-zertteý ortalyǵynyń dırektory Nurlan Abaev munyń sebebin jahandyq klımattyń ózgerýimen baılanystyrýda. 

«Jahandyq klımattyń ózgerýi — birinshi kezekte aýa temperatýrasynyń joǵarylaýyn, jaýyn-shashynnyń kóbeıýin jáne osyndaı qaýipti tabıǵı apattardyń jıileýi men qarqyndy bolýyn da bildiredi. Osy kúnderi bolyp jatqan álemdegi qubylystardyń barlyǵyn klımattyq ózgeristiń sıpattamasy retinde qarastyrýǵa bolady», — dedi N. Abaev 10 respýblıkalyq arnada kórsetilip jatqan telemarafonda. 

Sonymen birge, spıker Qazaqstandaǵy tasqyn — jahandyq jylynýdyń áseri ekenin atap ótti. 

«Mysaly, bıyl qysta bolǵan jaýyn-shashyn, qys mezgiliniń jyly bolýy — jahandyq jylynýdyń bir kórsetkishi. Kóptegen álemdik ǵalymdardyń boljaýynsha jáne úlken klımattyq modelderdiń esepteýinshe, jahandyq jylyný osy ǵasyrdyń 2100 jylyna deıin de jalǵasady. Alaıda munyń qarqyny ártúrli jáne adamzattyń is-áreketine tikeleı baılanysty bolmaq. ıAǵnı, birneshe memleket maquldaǵan Parıj kelisimine qol jetkizbesek, osy ǵasyr sońyna deıin Jer sharynyń ortasha temperatýrasy da joǵarylaı túsedi. Oǵan baılanysty qaýipti qubylystardyń sany da, jıiligi de arta túsedi», — dedi ol. 

Parıj kelisiminde kórsetilgen mejelerge saı is-shara qabyldap, jahandyq jylynýdyń qarqynyn báseńdetsek, osy ǵasyr sońyna qaraı klımat qalypty jaǵdaıyna az da bolsa jaqyndaıdy. 

«Álemge áli de qaýip bar. Mysaly, Dúnıejúzilik meteorologııalyq uıymnyń boljaýynsha, 2030 jylǵa deıin Jer sharynyń ortasha temperatýrasy 1,5 gradýsqa deıin kóterilýi múmkin», — dep tolyqtyrdy «Qazgıdromet» mamany. 

Aıta keteıik, sý tasqynyndaǵy el birligine arnalǵan «Biz birgemiz» telemarafony Jibek Joly arnasynda jalǵasyp jatyr. 

5 saǵattyq tikeleı efırde tasqyn basqan aýmaqty kózben kórgen, tabıǵı apattan zardap shekken turǵyndardyń jan tebirenter oqıǵalary aıtylyp, tabıǵı apat aımaqtarynan reportajdar beriledi.