Qazaqstandaǵy taǵy bir kompanııa munaı óndirý kólemin azaıtty

<p>Kaspıı teńiziniń qazaqstandyq sektoryndaǵy &laquo;Qashaǵan&raquo; ken ornyn ıgerip jatqan NCOC kompanııasy munaı óndirýdi 38 paıyzǵa tómendetti. Buǵan Kaspıı qubyr jelisi konsortsıýmynyń munaı jóneltýdi toqtata turýǵa baılanysty sheshimi áser etýi múmkin, dep habarlaıdy <a href="https://kaz.inform.kz/news/elmzdn-r-ken-orindarinda-munay-ondru-kolem-56-payizga-kiskardi-4a7146/" target="_blank" rel="noopener">Kazinform.</a></p>

ENERGY MONITOR telegram kanalynyń málimetine qaraǵanda, keshe NCOC kompanııasy munaı óndirýdi 54 myń tonnadan 33 myń tonnaǵa deıin tómendetken. 

«Taǵy bir iri qazaqstandyq kompanııa Kaspıı qubyr konsortsıýmy (KQK) aýa-raıynyń nasharlaýyna baılanysty Novorossıısk portyna munaı jóneltýdi toqtata turýyna baılanysty munaı óndirýdi shektedi. Keshe NCOC kompanııasy munaı óndirýdi 38%-ǵa, 54 myń tonnadan 33 myń tonnaǵa deıin tómendetti. TShO kompanııasy 26 qarashada óndiristi 50%-ǵa, 28 qarashada taǵy 10%-ǵa azaıtty», - dep habarlady ENERGY MONITOR. 

Buǵan deıin Energetıka mınıstriniń keńesshisi elimizdiń iri ken oryndarynda munaı óndirý kólemi 56 paıyzǵa qysqarǵanyn aıtqan edi. 

«Qazirgi sátte elimizdiń iri ken oryndarynda munaı óndirý kólemi 56 paıyzǵa tómendedi. Energetıka mınıstrliginde qandaı kezeńde jaǵdaıdyń turaqtalatynyna qatysty málimet joq. Taıaý keleshekte munaı óndirý kóleminiń tómendeýi men túzetilýi aǵymdaǵy deńgeıde qalady», - dedi Energetıka mınıstriniń keńesshisi Shyńǵys Іlııasov.