Qazaqstandaǵy ınternet EAEO elderiniń ishinde eń qoljetimdi bolyp shyqty

<p>ASTANA. KAZINFORM &ndash; Eýrazııalyq damý banki Qazaqstandaǵy tsıfrlyq qyzmetterdiń damý qarqynyn saralap kórdi. EAEO-nyń basqa elderine qaraǵanda bizdegi ınternet halyqtyń kóp bóligine qoljetimdi ekeni anyqtalyp otyr.</p>

Esepke sáıkes, Qazaqstanda azamattardyń 90,9 paıyzy birden ınternetke qol jetkize alady. Reseıde bul kórsetkish nebári 88,2%-dy, al Belarýste – 86,9%-dy quraǵan. Túrkimenstandaǵy kórsetkish 38,2%-ǵa teń.

Internet jyldamdyǵy boıynsha Qazaqstan EAEO elderiniń ishinde Ózbekstannan keıingi tórtinshi orynǵa turaqtaǵan. Armenııa, Túrkimenstan jáne Tájikstanda eń tómengi kórsetkishter tirkelgen.

Degenmen, Qazaqstandaǵy elektrondyq úkimet reıtıngi aımaqtaǵy basqa eldermen salystyrǵanda áldeqaıda joǵary. Álemdik kestede Reseıden 14 upaıǵa ozyp, 28-orynǵa jaıǵasqan (42-oryn). Odan keıin Armenııa (64), Ózbekstan (69), Qyrǵyzstan (81), Belarýs, Tájikstan (129) jáne Túrkimenstan (137) ornalasqan.

Bank sarapshylary 2028 jylǵa qaraı Ortalyq Azııadaǵy ınternetti qoldanýdyń ortasha deńgeıi 76 paıyzdy qurap, paıdalanýshylar sany 11 mıllıon adamǵa ósedi dep boljap otyr.