Qazaqstandaǵy eń uzyn kópir synaqtan ótti
Bul — Qazaqstandaǵy eń uzyn kópir.
Kópir qurylysyn tekserý úshin jalpy júktemesi 450 tonnany quraıtyn 15 júk kóligi tartyldy. Arnaıy qurylǵylar kópirdegi deformatsııa, diril (vıbratsııa) jáne júktemeni bólý kórsetkishterin tirkep aldy, — delingen Kólik mınıstrliginiń baspasóz qyzmeti taratqan aqparatta.
Synaq nátıjeleri Buqtyrma sý qoımasy arqyly ótetin jańa kópirdiń barlyq normatıvtik qaýipsizdik talaptaryna sáıkes keletinin jáne úlken júktemelerge tótep bere alatynyn rastady.
Eki jolaqty kópir Shyǵys Qazaqstan oblysynyń Jarma, Katonqaraǵaı, Kúrshim, Kókpekti, Zaısan jáne Altaı aýdandary arasynda kólikterdiń jyl boıy úzdiksiz júrýi úshin qajet.
Aıta keteıik, Úkimet basshysy Oljas Bektenov shilde aıynda Shyǵys Qazaqstan oblysyna jumys sapary barysynda jol-kólik salasyn damytý josparlarymen tanysyp, Buqtyrma sý qoımasyndaǵy Kúrshim kópir ótkeliniń qurylys qarqynyn tekserdi.
Sonymen qatar, Shyǵys Qazaqstan oblysynda salynyp jatqan kópir aqyly bolýy múmkin ekeni aıtyldy.
Budan bólek, Buqtyrmadaǵy kópir qurylysyna sheteldik jumys kúshi tartylmaǵany belgili boldy.