Qazaqstandaǵy eń úlken jylyjaı kesheni Shymkent qalasynda salynady

<p>17 qarashada Astanada ótken Jahandyq ınvestıtsııalar jónindegi VI qazaqstandyq dóńgelek ústel otyrys aıasynda ózara yntymaqtastyq týraly mańyzdy memorandýmdarǵa qol qoıyldy.&nbsp;</p>

Bul týraly Kazinform Shymkent qalasy ákiminiń baspasóz qyzmetine silteme jasap habarlaıdy.

Ás-sharaǵa álemdik bıznestiń jáne qarjy sektorynyń ókilderi jáne Qazaqstan Respýblıkasynyń Premer-Mınıstri Álıhan Smaıylov qatysty.

Shymkent qalasynyń ákimdigi tarapynan qala ákiminiń orynbasary Aıdyn Kárimov jalpy somasy 662 mln AQSh dollaryna eki sheteldik kompanııamen memorandýmǵa qol qoıdy.

Foto: Shymkent qalasy ákiminiń baspasóz qyzmeti

Birinshisi boıynsha Túrkııanyń iri kompanııasy «Alarko Holding» qala aýmaǵynda jańa formattaǵy jylyjaı keshenin salady. 650 mln AQSh dollar somasyna júzege asyrylatyn ınvestıtsııalyq joba kezeń-kezeńmen jalpy 500 ga aýmaqta 5 myń jańa jumys ornyn qurýdy, jańa tehnologııalardy engizý arqyly azyq-túlik qaýipsizdigi men jylyjaı bıznesin damytýǵa yqpal etedi.

Ekinshisi boıynsha «IŞIKLAR PACKAGING Ltd» túrik kompanııasy «kraft-roll» qaǵazyn shyǵaratyn zaýytyn salady. Jobanyń quny 12 mıllıon AQSh dollaryn quraıdy.

Eki joba da turaqty óńirlik ósýge, ınvestıtsııalar tartyp, qala ekonomıkasynyń damýyna jáne halyqaralyq yntymaqtastyqty nyǵaıtýǵa yqpal etedi.

Foto: Shymkent qalasy ákiminiń baspasóz qyzmeti