Qazaqstandaǵy balabaqshalarda Face ID júıesi engizile me – mınıstr jaýaby

<p>ASTANA. KAZINFORM &ndash; Oqý-aǵartý mınıstri Ǵanı Beısembaev Qazaqstanda mektepke deıingi bilim berý uıymdarynda Face ID júıesin engizý ázirge mindetti emes ekenin aıtty.</p>

Onyń sózine qaraǵanda, qazir tehnologııa pılottyq rejımde qoldanylyp jatyr. 

«Face ID áli pılottyq rejımde, ıaǵnı mindetti emes. Bul sońǵy sheshim emes, sebebi baqylaýdyń jáne balalardyń qaýipsizdigin qamtamasyz etýdiń basqa da kóptegen túrleri bar... Usynys týraly aıtý áli erte, joba birneshe óńirde pılottyq rejımde iske asyp jatyr. Onyń qanshalyqty tıimdi ekenin osy zertteý átıjesi kórsetedi», - dedi Ǵ. Beısembaev Parlament Májilisinde tilshiler suraǵyna jaýap bere otyryp. 

Mınıstr qazir memlekettik bilim berý uıymdarynda 100 paıyzǵa jýyq beınebaqylaý ornatylǵanyn aıtty. Bul jaǵynan jekemenshik mekemeler sál artta qalyp otyr.

Mektepke deıingi bilim berý departamenti dırektorynyń orynbasary Gúlnár Iskakova Qazaqstanda 11,6 myń mektepke deıingi uıym bar ekenin, onyń 5,5 myńy memlekettik, qalǵany jekemenshik sanalatynyn aıtty.

«Bıyldyń basynda mınıstrliktiń tıisti nusqaýyna ózgertýler bekitilgendikten, jekemenshik balabaqshalar 96 paıyz kameramen qamtamasyz etilgen. Sondyqtan ony 100 paıyz qamtamasyz etý maqsatyn qoıdyq. Bizde mektepke deıingi uıymdardyń 96 paıyzǵa jýyǵyna memlekettik tapsyrys beriledi. Ony alý úshin menshik nysanyna qaramastan kez kelgen mektepke deıingi uıym beınekameramen qamtamasyz etýi kerek», - dedi departament ókili.