Qazaqstanda «Zorlyq-zombylyqsyz 16 kún» halyqaralyq aktsııasy bastaldy

<p>ASTANA. KAZINFORM &mdash; Qazaqstanda &laquo;Zorlyq-zombylyqsyz 16 kún&raquo; halyqaralyq aktsııasy bastaldy. Naýqan jyl saıyn 25 qarasha men 10 jeltoqsan aralyǵynda QR Prezıdenti janyndaǵy Áıelder isteri jáne otbasylyq-demografııalyq saıasat jónindegi Ulttyq komıssııasy men QR Mádenıet jáne aqparat mınıstrliginiń qoldaýymen ótedi. Bul týraly QR Mádenıet jáne aqparat mınıstrliginiń baspasóz qyzmeti málim etti.</p>

Osylaısha, Qazaqstan jahandyq deńgeıde de, ulttyq deńgeıde de qandaı bolmasyn zorlyq-zombylyqty joıýǵa áreket jasady. Aktsııanyń negizgi maqsaty – turmystyq zorlyq-zombylyqtyń aldyn alý jáne halyqtyń quqyqtyq saýattylyǵyn arttyrý.

Foto: QR Mádenıet jáne aqparat mınıstrliginiń baspasóz qyzmeti

Búgin aktsııa aıasynda Astanada elordalyq joǵary oqý oryndary arasynda chempıonat ótti. Іs-sharanyń erejeleri boıynsha komandalar genderlik zorlyq-zombylyq taqyrybyndaǵy keısterdi sheshýde kreatıvti tásildi usynýy tıis.

Sonymen qatar QR Mádenıet jáne aqparat mınıstrligi zorlyq-zombylyq túrlerin anyqtaý, onyń saldary men aldyn alý joldary týraly belsendi aqparattyq naýqandy bastady. Aktsııa aıasynda áıelder úshin ózin-ózi qorǵaý boıynsha trenıngter uıymdastyryldy, sondaı-aq konferentsııalar, dóńgelek ústelder, zorlyq-zombylyqqa qarsy is-qımyl taqyrybynda art-perfomans jáne basqa da is-sharalar josparlanǵan.

Foto: QR Mádenıet jáne aqparat mınıstrliginiń baspasóz qyzmeti

Eske sala keteıik, buǵan deıin Pavlodar oblysynda balalardy zorlaý oqıǵalary jıilep turǵanyn jazǵan bolatynbyz.