Qazaqstanda jynystyq saýattylyq týraly oqýlyq shyqqany jaıly aqparat – feık
Avtor jazylýshylaryn egov.kz saıty arqyly kámeletke tolmaǵandardyń reprodýktıvti jáne psıhıkalyq densaýlyǵyn qorǵaý boıynsha medıınalyq kómek uıymdastyrý erejelerine qarsy daýys berýge úndeıdi. Bul rette post avtory «balalardyń nazaryna usynylatyn» jynystyq saýattylyq týraly kitaptaǵy sýretterdi kórsetken.
Shyn máninde, ıllıýstratsııa 2010 jyly Reseıde basylyp shyqqan «Kak ıa poıavılsıa na svet» kitabynan alynǵan. Onyń qazaqstandyq bilim berýge esh qatysy joq.
Biraq bul aqparat áleýmettik jelilerde tez tarady, al kópbalaly ana Zıýar Jumanova bul máseleni sheshýlerin surap Q.K.Toqaev pen Elbasy N.Á.Nazarbaevqa hat jazǵan.
StopFake redaktsııasy «Oqýlyq» respýblıkalyq ǵylymı-praktıkalyq ortalyǵyna habarlasyp, túsinikteme aldy.
«Postta kórsetilgen kitaptyń qazaqstandyq oqýlyqtarǵa esh qatysy joq. Onyń ústine Qazaqstanda mektepterde jynystyq tárbıe berý sabaqtary ótkizilmeıdi. Mektep oqýlyqtarynyń mazmuny Qazaqstan Respýblıkasynyń memlekettik jalpyǵa mindetti standarttarǵa (QR MJMS), árbir pán boıynsha QR BǴM bekitken tıptik oqý josparlary men tıptik oqý baǵdarlamalaryna sáıkes qurastyrylady. Bul qujattarda jynystyq tárbıe berý týraly pán joq», — dedi Ortalyq dırektory Ǵanı Beısembaev.
Onyń aıtýynsha, oqýlyqtardy mektep baǵdarlamasyna engizbes buryn onyń mazmuny saraptamadan ótedi jáne birneshe kezeńmen maquldanady. Sondyqtan jarııalamas buryn aqparatty tekserý kerek. Oqýlyqtar QR MJMS maqsattary men mindetterine sáıkes, sondaı-aq tıptik oqý josparlary men tıptik baǵdarlamalarǵa laıyq bolýy kerek. tek Mektep muǵalimderi ǵana emes, joǵary oqý oryndarynyń oqytýshylary da sarapshy retinde tartylady. Sonymen qatar, daıyndyq barysynda «Oqýlyq» RǴPO saıtynda jyl boıy qoǵamdyq talqylaý júrgiziledi.
Kitap avtorlary óńirlik semınarlarda óz jumystaryn tanystyryp, muǵalimder qaýymdastyǵynyń baǵalaýyna usynady. Saraptamalyq baǵa berilgen soń, QR Bilim jáne ǵylym mınıstrligi bekitken pánder boıynsha arnaıy komıssııa qurylady, ol oqýlyqtardyń mazmunynyń oqý baǵdarlamalaryna sáıkestigin anyqtaıdy.
Sondaı-aq, quqyqtyq baǵa berý úshin jalǵan aqparatty taratý faktileri ІІM joldandy.
Eske salaıyq, feık (jalǵan) aqparat taratqany úshin Qazaqstanda QR QK 274-baby boıynsha 7 jylǵa deıin bas bostandyǵynan aıyrý qarastyrylǵan.