Qazaqstanda jylyna 150 adamnyń júregin aýystyrý qajet - ıÝrıı Pıa

NUR-SULTAN. QazAqparat – Elimizde jyl saıyn 150 adamnyń júregin transplantatsııalaý qajet. Bul týraly QR Ulttyq ǵylymı kardıohırýrgııa ortalyǵynyń basqarma tóraǵasy ıÝrıı Pıa málim etti, dep habarlaıdy QazAqparat tilshisi.

«Men dárigermin, sondyqtan elimizdegi júrek donorlyǵy jaǵdaıyna qatysty túsinikteme bergenim jón de emes shyǵar. Degenmen másele bar. Jyl saıynǵy biz jasaıtyn otanyń sany men oǵan donor tabý boıynsha aıtar bolsam, jaǵdaı kúrdeli. Donor tabý qıyn. Árıne, donor bolý ol adamnyń erkimen júzege asatyn dúnıe. Sondyqtan da bul jaǵdaıǵa qatysty bireýdi kinálaýǵa bolmaıdy. Onyń ústine bizdiń halyqtyń mentalıteti basqa, mysaly damyǵan elderde donor bolý qalypty jaǵdaı jáne ol jolǵa qoıylǵan. Taǵy bir másele elimizde donorlyqqa qatysty aqparattandyrý jaǵy azdyq etedi. ıAǵnı qarapaıym halyqtyń kóp jaıttan habary bolmaı jatady. Aıtalyq, adam kezdeısoq jaıttan qaıtys boldy, onyń jaqyndary múrdeni donorlyqqa bergisi kelmeıdi. Al onyń júregi nemese basqa dene múshesi myna jaqta bireýge aýadaı qajet bolyp jatady», - dedi ıÝrıı Pıa.

Onyń aıtýynsha, elimizde donor bolý qaıyrymdylyq isine memleketpen qatar qoǵam da belsendilik tanytý kerek.

«Júrek donorlyǵy batys elderinde jaqsy damyǵan. Mysaly, 10 mln ǵana halqy bar Chehııada jylyna 120-dan astam júrek aýystyrý otasy jasalady. Al bizdiń ortalyqta 9 jyldyń ishinde 84 júrekti transplantatsııalaý otasy jasaldy. Odan ári ózińiz baǵamdaı berińiz. Onyń ústine bizdiń mekeme elimiz boıynsha jalǵyz ortalyq. Qazaqstanda jyl saıyn 150 adamǵa júrek transplantantsııasy qajet», - deıdi ol.

Buǵan deıin habarlaǵanymyzdaı, búgin elordada júrek donorlarynyń qurmetine arnalyp art-nysan ashyldy.

https://kaz.inform.kz/news/nur-sultanda-zhurek-donorlarynyn-kurmetine-art-nysan-ashyldy_a3852347