Qazaqstanda jyl sońyna deıin 15 mln sharshy metr turǵyn úı beriledi

NUR-SULTAN. QazAqparat - Jyl basynan beri Qazaqstanda 2,6 mln sharshy metr turǵyn úı paıdalanýǵa berildi. Bul týraly búgin Úkimet otyrysynda QR Ulttyq ekonomıka mınıstri Rýslan Dálenov aıtty, dep habarlaıdy QazAqparat tilshisi.

«Jalpy, negizgi kapıtalǵa salynǵan ınvestıtsııalardyń ósýi 5,1 paıyzdy qurady. Onyń ishinde jeke ınvestıtsııalar 5,4 paıyzǵa artty. Investıtsııalardyń ulǵaıýy óńirlerdiń kóbinde baıqalady. 4 óńir boıynsha tómendeý tirkeldi. Olar: Atyraý, Almaty, Qyzylorda oblystary jáne Shymkent qalasy. Qurylys sektorynda 11,7 paıyz deńgeıinde serpindi ósý baıqalady. Sonyń ishinde 16 óńir ósim kórsetti. Qaraǵandy oblysy 50,8 paıyzdyq ósim kórsetti. Qurylys boıynsha Qyzylorda oblysy ǵana tómendedi», - dedi ol.

Mınıstrdiń dereginshe, jyl basynan beri 2,6 mln sharshy metr turǵyn úı paıdalanýǵa berildi. 2020 jylǵa jospar 15 mln sharshy metrdi quraıdy. Bul rette, turǵyn úı qurylysynyń 12 óńirde ósim baıqaldy. Almaty jáne Jambyl oblystarynda eń joǵary ósim boldy. 5 óńirde tómendeý tirkeldi.

«Aýyl sharýashylyǵynda ónim 2,5 paıyzǵa artty. Aýyl sharýashylyǵy boıynsha 15 óńirde serpin baıqalyp otyr», - dedi Rýslan Dálenov.