Qazaqstanda jyl basynan jemqorlyqqa qatysty 520 adam sottaldy
ANTIKOR News aqparat alańynda ótken brıfıngide Sybaılas jemqorlyqqa qarsy is-qımyl agenttiginiń asa mańyzdy ister jónindegi tergeýshisi Danııar Begaıdarov osyndaı statıstıka keltirdi.
«Jyl basynan beri sybaılas jemqorlyqpen baılanysty qylmystyq ister boıynsha barlyǵy 520 adam sottaldy. Onyń ishinde 131 adam para alǵany úshin, 222 adam para bergeni úshin, 12 adam deldaldyq úshin, 71 adam alaıaqtyq úshin, 35 adam aqsha jymqyrǵany úshin, 35 adam laýazymdyq ókilettikterin teris paıdalanǵany úshin, 9 adam bılikti nemese laýazymdyq ókilettikterin asyra paıdalanǵany úshin sotqa tartyldy», - dedi agenttiktiń asa mańyzd ister jónindegi tergeýshisi.
Danııar Begaıdarovtyń aıtýyna qaraǵanda, sotqa tartylǵandardyń ishinde 151 adam bas bostandyǵynan aıyrylsa, 50 adamnyń bas bostandyǵy shektelgen. 308 adamǵa 1,6 mlrd teńgeden astam eselengen aıyppul taǵaıyndaldy.