Qazaqstanda jyl basynan óndiriste 13 avarııa men 103 oqıǵa boldy
Tótenshe jaǵdaılar mınıstrliginiń baspasóz qyzmetinen málim etkendeı, vedomstvo basshysy ıÝrıı Ilın Qaraǵandy oblysyna jumys sapary kezinde «Arselor Mıttal Temirtaý» AQ basshylyǵyn Ónerkásiptik qaýipsizdik departamentine shaqyrtqan. Kezdesýde óndiristegi qaýipsizdik, jumysshylardyń eńbek jaǵdaılaryn jaqsartý jáne olarǵa áleýmettik qoldaý kórsetý máselelerin talqylandy. Arselor Mıttal Temirtaý basshylyǵy óndiristiń barlyq kezeńderinde qaýipsizdikti jetildirý boıynsha qabyldanyp jatqan sharalar týraly baıandaǵan.
«ıÝrıı Ilın Ónekásiptik qaýipsizdik departamentine bıznes qaýymdastyqqa avarııalar men oqıǵalardyń sanyn azaıtý úshin qajetti ádistemelik kómek kórsetýdi tapsyrdy. Qaýipsizdik sharalary saqtalmaǵan jaǵdaıda, zań aıasynda qatań sharalar qabyldanatynyn, tipti óndiristiń jumysy toqtatylatyn eskertti. Sebebi 2022 jyldyń basynan beri óndiriste 13 avarııa men 103 oqıǵa tirkeldi», - delingen mınıstrliktiń baspasóz baıanynda.
Sonymen qatar sapar barysynda mınıstr «KÁAQQ» JShS Respýblıkalyq ortalyq shtabynda boldy, onda Respýblıkalyq ortalyq shtabynyń jáne «AMT» AQ kómir departamentiniń basshylyǵymen birge taý-ken qutqarýshylaryn áleýmettik qoldaý jáne avarııalyq-qutqarý qyzmetteriniń zamanaýı quraldarmen, qural-jabdyqtarmen jáne tehnıkamen jaraqtandyrý jumystarymen tanysty.
Budan bólek, ıÝrıı Ilın oblys turǵyndarymen kezdesti. Turǵyndar negizinen dala órtteri men sý tasqynyna baılanysty tótenshe jaǵdaılardyń aldyn alý, Qaraǵandy oblysyndaǵy tegin jaǵajaılar salý máselelerin kóterdi. Júzdesýge beınekonferentsııa arqyly óńirdiń qalalary men aýdandarynyń turǵyndary qatysty.