Qazaqstanda jyl basynan beri jol-kólik oqıǵalarynan 126 bala kóz jumǵan

ASTANA. QazAqparat - Jyl basynan beri ótken jeti aı ishinde elimizdiń jol-kólik oqıǵalary saldarynan kámeletke tolmaǵan 126 bala qaza tapqan, dep habarlaıdy QR Bas prokýratýrasy Quqyqtyq statıstıka jáne arnaıy esepke alý jónindegi komıtettiń baspasóz qyzmetinen.

Vedomstvonyń habarlaýynsha, respýblıka boıynsha 2015 jyldyń 7 aıynda 2014 jyldyń osyndaı kezeńimen salystyrǵanda jol-kólik oqıǵasy 4 paıyzǵa tómendegen. Elimizdiń joldarynda 10 187 jol-kólik oqıǵasy bolyp, onda 14 278 adam zardap shekken, al ótken jyldyń 7 aıynda 10 627 jol-kólik oqıǵasy tirkelip, onda 14 737 adamnyń densaýlyǵyna zaqym kelgen. «Jol-kólik oqıǵasynyń saldarynan jaraqat alýshylardyń sany da tómendegeni baıqalady - 12 956 (13 442). Jol-kólik oqıǵalary saldarynan 2403 kámeletke tolmaǵan balalar jaraqat alyp, olardyń 126-y qaza tapqan», delingen habarlamada.