Qazaqstanda jyl basynan beri ónerkásip ónimi 1,2 paıyzǵa arzandady

ASTANA. QazAqparat - 2019 jyldyń qańtar aıynda Qazaqstanda óndiristik sıpattaǵy kásiporyndardyń ónerkásiptik ónimderi ótken aımen salystyrǵanda 1,2 paıyzǵa arzandaǵan. Al bul kórsetkish 2018 jyldyń qańtar aıynan beri 9,6 paıyzǵa qymbattap otyr, dep habarlaıdy QazAqparat tilshisi QR Ulttyq ekonomıka mınıstrliginiń Statıstıka komıtetine silteme jasap.

Komıtetten habarlanǵandaı, taý-ken ónerkásibindegi óndirýshi kásiporyndardyń ónimderi 2 paıyzǵa arzandasa, óndeý ónerkásibiniń ónimderi 0,6 paıyzǵa kóterilgen. Óndirilgen ónerkásiptik ónimder 1,2 paıyzǵa, ónerkásiptik sıpattaǵy qyzmetterdiń baǵasy 0,8 paıyzǵa arzandaǵan.

Esep berilip otyrǵan kezeńde benzın, tómendetilgen propan pen býtan 5 paıyzǵa, munaı 2,9 paıyzǵa, mazýt 1,4 paıyzǵa arzandasa, kómir baǵasy 7,9 paıyzǵa, tabıǵı gaz 1,5 paıyzǵa, metall kenderi 0,5 paıyzǵa kóterilgen.

Qorǵasynnyń baǵasynda 3,8 paıyzdyq, asyl metaldarda 2,2 paıyzdyq, alıýmınııde 1,8 paıyzdyq, qara metaldar prokatynda 0,9 paıyzdyq, ferroqorytpalarda 0,7 paıyzdyq ósim baıqalǵan.

Óndirýshiler sonymen birge 2019 jyldyń qańtarynda qantty 0,5 paıyzǵa, qarabıdaı unyn 0,3 paıyzǵa arzandatsa, jarma baǵasyn 7,1 paıyzǵa, kúrishti 4,6 paıyzǵa, bıdaı unyn 3,1 paıyzǵa, mal etin 2,2 paıyzǵa, qus etin 1,5 paıyzǵa, balyqty 2 paıyzǵa, sút ónimderin 1,4 paıyzǵa, shaıdy 0,8 paıyzǵa, ósimdik maıyn 0,3 paıyzǵa qymbattatqan.