Qazaqstanda jyl basynan beri 74,8 mln tonna munaı óndirildi

NUR-SULTAN. QazAqparat - 2019 jyldyń 10 aıynda Qazaqstanda 74,8 mln tonna munaı óndirildi. Bul 2018 jyldyń dál osyndaı kezeńimen salystyrǵanda 100,3 paıyzǵa artyq, dep habarlaıdy QazAqparat tilshisi.

QR Energetıka mınıstrliginiń málimetinshe, elimizdegi eń iri úsh munaı-gaz jobasy sanalatyn Qashaǵanda 11,5 mln, Teńizde 24,6 mln, al Qashaǵanda 9,1 mln tonna munaı óndirilgen.

Bıyl úsh jobada da negizgi óndiris tolyqtaı toqtatylyp, kúrdeli jóndeý jumystary tabysty aıaqtaldy: Qashaǵanda kúrdeli jóndeý jumystary 2019 jyldyń 14 sáýirinen 19 mamyrǵa deıin júrgizilip, merziminen 15 táýlikke erte aıaqtaldy; Teńizde 2019 jyldyń 1 tamyzy men 12 qyrkúıegi aralyǵynda jóndeý jumystary júrgizilip, merziminen 3 kúnge erte bitti; Qarashyǵanaqta jóndeý jumystary 15 qyrkúıek pen 12 qazan aralyǵynda júrgizildi.

Negizgi óndiristiń toqtatylǵanyna qaramastan jyl sońynda óndirilýi kútilgen kólem artty: Qashaǵanda 13,5 mln tonnadan 14,5 mln tonnaǵa deıin; Teńizde 29 mln tonnadan 29,6 mln tonnaǵa deıin; Qarashyǵanaqta 11 mln tonnadan 11,2 mln tonnaǵa deıin.

Energetıka mınıstrligi munaı óndirý qarqynyń ósimin eskere otyryp, elimizdiń munaı óndirýiniń jyldyq boljamyn 90,5 mln tonnaǵa deıin arttyrdy. Bul 2018 jyly óndirilgen munaıdan 0,1 mln tonnaǵa kóp.